La Conseyería y el Conceyu de Carreño impulsen, per primer vegada, un ALBA Poética de Les Lletres Asturianes. Va celebrase en Llorgozana, parroquia natal d'Antón de Marirreguera.

La parroquia de Llorgozana va acoyer, esti vienres 27 d'abril a les 7h la I Alborada Poética de Les Lletres Asturianes. Alba que va suponer l'actu inaugural col que se va abrir la 39 “Selmana de Les Lletres” nel Principáu d'Asturies.

“Esti actu mañaneru ta enmarcáu nel programa cultural “Carreñu, ñeru de la pluma n’asturianu”. Esti ye un proyectu impulsáu pol consistoriu Carreñense sobre la figura d'Antón de Marirreguera que tien como oxetivu la puesta en valor de la poesía y llingua asturiana al traviés del poeta carreñense, príncipe de los poetes n'asturianu y autor de la primer obra caltenida na Llingua. Esta iniciativa cultural local foise materializando, con diverses actividaes culturales en distintos puntos de Carreño, a lo llargo d'esti primer cuatrimestre d'anguaño. Nél tuvieron bien implicaos la Conseyería d'Educación y Cultura del Gobiernu del Principáu d'Asturies y l'Academia de la Llingua.  Frutu de la collaboración ente estos organismos institucionales en favor de la normalización llingüística ufiertóse en tol conceyu y pa públicu diversu una programación de calidá. Deseyamos qu'esta cooperación se caltenga nos próximos años”– detalló Cecilia Tascón, edil de Cultura de Carreño.

“Esta Alborada Poética supon l'entamu en Carreño de los actos de la 39 “Selmana de Les Lletres impulsada pol Gobiernu del Principáu y, nel ámbitu local, con ella empieza una fin de selmana en el que la Llingua va ser la protagonista en Carreño cola celebración d'I Feria del Llibro n’Asturianu na antigua fábrica d'Ortiz”– añedió la conceyala.

“Al actu inaugural d'esta 39 “Selmana de -Les Lletres” van allegar Fernando Padilla, Director Xeneral de Planificación Llingüística y Normalización; Amelia Fernández López, Alcaldesa de Carreño; Conceyales de la Corporación Municipal; Benigno Expósito, Director del CEIP Poeta Antón de Marirreguera, según integrantes de la comunidá educativa” – señaló la edil.

“Silvia Suárez García ya Ismael González Arias van ser los encargaos de presentar l'actu nel que poesía y la música van ser los protagonistes. La parte musical va correr al cargu de Silvia Suárez cola interpretación de delles pieces de música tradicional, ente elles, L’Andolina y La “Xota Carreño” a la pandereta”– detalló la edil.

“La parte poética va correr al cargu de dos persones: Candela Murias y Pablo X. Suárez. Candela Murias Gutiérrez,  tien 11 años, alumna de sestu cursu del CEIP Poeta Antón de Marirreguera y vecina d'El Valle. Ella va recitar arropada poles sos maestres: Mercedes Solares Collada (Llingua Asturiana) y Pilar Barbáu (tutora del so cursu sestu). Esta alumna, escoyida pol CEIP Poeta Antón,  va recitar un poema propiu  tituláu “El mar qu’escribe foles”. Poema col que Candela Murias quier rindir homenaxe al escritor carreñense.  Y Pablo X. Súarez, escritor asturianu ye'l Ganador nel 2017 del Premiu de poesía Xuan María Acebal col poemariu “Little Babilonia”. El cuál va lleer unu de los sos poemes a l'alba en Llorgozana”– concluyó Tascón. 

Tres l'Alba, redolada a les 9:30 h.  tán previstes actividaes infantiles n'asturianu pal alumnáu de les dos escueles rurales de Carreño la de Llorgozana y la de Quimarán–El Valle. Por xentileza de la Conseyería l'actor Silvino Torre  de Factótum Teatru va realizase una serie d'actividaes d'animación a la llectura pa esti públicu infantil. va faelo caracterizáu del propiu Antón de Marirreguera proponiéndo-yos xuegos qu'averen a los neños y les neñes al autor y la so obra. 21 escolares del mediu rural, acompañaos de les sos maestres, Mirta Morán y Lorena Piquero y del maestru, Santiago XXX van trabayar na aula pa familiarizase col asturianu y la figura de Marirreguera.