La marañuela viaxa a Parres

La marañuela de Candás fíxose un buecu na gastronomía del oriente asturianu. Esti sábadu, día 10 de noviembre'l nuesu postre típicu presentóse nel conceyu de Parres. La presentación celebróse nel XXVIII Certame de la Castaña y productos de la Güerta que se celebra del 10 al 11 de noviembre na capital del Conceyu, Les Arriondes. 

La presencia del postre típicu candasín débese a la so inclusión na marca de calidá del Principáu d'Asturies "Alimentos del Paraísu".  Que la so finalidá ye estremar nel mercáu determinaos productos agroalimentarios y pesqueros destinaos al consumu humanu. Productos producíos y/o ellaboraos na nuesa comunidá, axunten unes condiciones y cumplan unos requisitos que garanticen a  consumidores el so orixe xeográficu y la so calidá certificada.

Cuatro son los obradores de Carreño que tienen nesti momentu la reconocida marca asturiana. Pa la cual dende'l Conceyu de Carreño vienen convocándose ayudes económiques col enfotu de ayudar a productores de marañuela nos gastos económicos que ta inclusión supon-yos.

La presencia de Carreño nel certame corrió a cargu del obrador que rexenten Oliva Echevarría y Lorenzo García, denomináu Casina del Pan y del grupu de Teatru Amateur “Les Ayalgues” de Carreño que promocionaron el consumu del productu con una actividá teatralizada. Dende'l Conceyu informóse y facilitó l'asistencia y participación a tolos obradores que tienen la marca, siendo'l sito na cai Avda. Reina María Cristina el que finalmente confirmó'l so disponibilidad.

Oliva, amosó en Parres el procesu d'ellaboración del dulce. Nes mesmes instalaciones del Festival foi la encargada de dirixir una máster-class sobre la ellaboración de la marañuela de Candás realizando tol procesu sacantes l'enfornáu de la pasta por falta de tiempu. Anque por que les persones asistentes puedan tastiar el postre lleváronse unidaes yá cocíes.

Per otru llau, Les Ayalgues  promocionaron el consumu del postre local. Fixéronlo con una actuación teatralizada pola redolada de la plaza parraguesa sobre la popular marañuela candasina. Percorrieron el certame y cola so gracia y la so chispa convidaron a les persones asistentes a probar esti dulce tan típicu de la gastronomía asturiana. El comerciu nun ye ayenu al teatru. La Cámara de Comerciu de Madrid, numberoses marques comerciales usen como ferramienta de marketing figures d'actores y actrices. Asina que apostando por sumar esfuerzos y que'l grupu de teatru amateur, que dirixe Gemma de Luis, use'l teatru pa contribuyir a promocionar los nuesos duces,  dándolos a conocer fora de la contorna de Peñes, ameyorando la so imaxe y posición  de forma qu'adquieran una importancia relevante tantu dientro del sector alimentario como na sociedá polo xeneral.

Amás de la ellaboración de marañuela en situ, el Conceyu de Carreño  amosó'l vídeu promocional qu'esplica la importancia del productu pal so llugar d'orixe y nel que se detalla la so hestoria. La presentación empezó a les 12:30 hores y realizóla la conceyala de Cultura Cecilia Tascón.