Cuatro nuevos desfibriladores n'instalaciones deportives de Carreño

El nuesu conceyu afonda na práctica deportiva segura.  En Carreño instalaránse cuatro nuevos desfibriladores nes instalaciones deportives del conceyu. Pa la so alquisición túvose'l asesoramientu del médicu espertu en medicina deportiva, Vicente González, quién de la mesma, ye coordinador de la mesa de salú local.

"Va anovase'l DEA esistente nel Polideportivu Municipal “Vicente López Carril” de Candás. L'esistente namá yera aptu pa usar con persones adultes, por ello, p'ameyorar la prevención y seguridá na instalación va instalase unu nuevu aptu pa persones adultes y tamién pa neños y neñes mayores de 8 años que ten en peligru. Amás van asitiase trés desfibriladores más nes trés instalaciones polideportivas cubiertes de la zona rural  de Carreño, los allugaos nes parroquies de Albandi, Prevera y Quimarán- El Valle. Pistes de más arribación de públicu que van disponer d'unu de los sistemes más eficaces pa la salvar la vida humana" - informó l'Alcaldesa de Carreño.

Nel añu 2016 el Conceyu de Carreño xuntóse a la Estratexa pa la Promoción de la Salú y Prevención del Sistema Nacional de Salú. L'oxetivu de la mesma yera, y sigue siendo, promover una sociedá na que les persones, les families y les comunidaes puedan algamar el so máximu potencial de desenvolvimientu, salú, bienestar y autonomía, y na que trabayar pola salú asumiéndola como xera de toos y toes, desenvolviendo progresivamente intervenciones identificaes como bones práctiques.

La ONU en 2011, alcordó establecer como oxetivu pal añu 2025 un amenorgamientu del 25% na mortalidá de les principales cuatro enfermedaes cróniques: enfermedá cardiovascular, cáncer, diabetes, y enfermedá respiratoria crónica. Pa ello, establecióse la estratexa "cuatro por cuatro", esto ye, priorizar l'abordaxe de los cuatro principales factores de riesgu d'estes enfermedaes: alimentación non saludable, inactividá física, consumu d'alcohol y consumu de tabacu. 

Nel marcu d'esta estratexa'l Conceyu de Carreño trabayó cola Mesa Intersectorial del Conceyu. Y en l'oxetivu de siguir avanzando y de dotar a les instalaciones deportives de los medios necesarios pa una práctica saludable y responsable del deporte, adquiriéronse cuatro Desfibriladores Esternos Automáticos (DEAS).

Otros exemplos, d'esti trabayu conxuntu foi la ellaboración d'una guía sobre l'usu correctu y responsable de los equipamientos deportivos qu'esisten nos Espacios Biosaludables allugaos en distintes parroquies del nuesu conceyu; o la edición de la Guía de Recursos de la Salú de Carreño na que s'incluyeron más de 60 recursos, ente instalaciones, servicios asistenciales y actividaes deportives, ente les que figuren rutes, paseos y programes de senderismo. 

Los DEAS constitúin una tecnoloxía importante pa salvar vides y xueguen un papel nel tratamientu de los paros cardiacos. Ye un dispositivu electrónicu que puede esaminar el ritmu cardiacu pa determinar si ye necesariu apurrir una descarga a una persona na situación de paru cardiaco. Anque la mayoría d'estes situaciones asoceden n'adultos, tamién pueden utilizase en persones menores d'edá. Cola instalación del nuevu DEA en Candás podrán prevenise riesgos nes escueles deportives” señaló Amelia Fernández, Alcaldesa de Carreño.

Cada añu n'España rexistrense unes 24.500 paraes cardiaques extrahospitalaries. Esto ye, aprosimao una cada 20 minutos. Trátarse d'un problema que causa cuatro vegaes mayor númberu de muertes que los accidentes de tráficu. Nel casu de los infartos de miocardio agudos prodúcense 68.500 añalmente, de los qu'aprosimao un 30% provoquen la muerte del paciente antes de llegar al hospital” comentó l'alcaldesa.

El plazu d'intervención pa salvar a una vida en casu d'un paru cardiaco ye de non más de 4-5 minutos. La rápida respuesta ye crucial pa la supervivencia de la víctima o pa evitar consecuencies graves, siendo d'un 90% nel primer minutu y baxando d'un 10% cada minutu que pasa a partir del quintu minutu.  Polo que se fai necesariu la instalación de sistemes cardio-protección, DEAS, en llugares específicos, como los d'enforma concurrencia d'enforma públicu. En combinación cola RCP (Reanimación Cardio Pulmonar), un DESFIBRILADOR ufierta la meyor oportunidá, y munches vegaes única, de supervivencia p'ayudar a una persona que ye víctima d'un paru cardiaco hasta que llegue un profesional médicu” prosiguió la rexidora.

Los cuatro dispositivos DEAS que s'adquirieron son aptos pa utilizase en situaciones nes que la vida de les persones adultes y la de los neños y neñes mayores de 8 años cuerran peligru. Ye un dispositivu que puede ser utilizáu por personal non sanitariu, de cuenta que siguiendo les sos instrucciones asítiense los electrodos nel paciente, y l'aparatu, en determinando'l tipu de ritmu cardiacu, aconseya a les persones asistentes dixebrase pa emitir la descarga eléctrica, o bien, aconseya realizar compresiones toráciques hasta la llegada de los servicios sanitarios” rellató Fernández.

"El desfibrilador que teníamos nel polideportivu treslladóse al centru de persones xubilaes “El Paseín”. Y vamos trabayar tamién na formación nel manexu de los cuatro desfibriladores nuevos. Dende les Conceyalíes de Bienestar Social y Deportes, vamos programar sesiones formatives ente les persones qu'usen les nueses instalaciones. Dende'l Conceyu asumimos les inversiones necesaries pa cuntar con más DEAS, pero tamién ye necesariu que facilitemos formación al personal non sanitario a desendolcase en situaciones d'emerxencia, según la conocencia de les maniobres de reanimación cardiopulmonar o RCP, el soporte vital básicu o SVB y otros conceutos elementales.” concluyó Fernández.