Esti Xueves, 17 de Xineru 2019 tuvo llugar nel Consistoriu de Carreño una xunta informativa sobro agospiamientos mientres parlamentu rural européu que se va celebrar en Candás nel mes de noviembre de 2019 con responsables de diversos establecimientos hoteleros de Carreño. Ente los compromisos municipales ta l'aprovir d'una formación n'inglés pal colectivu d'hostelería local de cara a favorecer l'atención a un públicu internacional que puede xubir de la cifra de 350 persones dende más d'una trentena de países.
La villa de Candás va acoyer, anguaño 2019, los díes 6 al 9 de noviembre, la cuarta edición del Parlamentu Rural Européu (ERP, nes sos sigles n'inglés) que, en collaboración col Gobiernu del Principáu d'Asturies y l'Ayuntamientu de Carreño, entamen la Rede Asturiana de Desenvolvimientu Rural (READER) y la Rede Española de Desenvolvimientu Rural cola denominación “El papel de la sociedá rural énte'l nuevu marcu de relaciones urbanu-rurales”.
Esti alcuentru que se va realizar en Carreño ye una iniciativa d'ámbitu internacional promovida poles trés redes europees: European Rural Community Alliance (ERCA), Partnership for Rural Europe (PREPARE) y European LEADER Association for Rural Development (ELARD), nel que participen socios/es y delegaciones nacionales de 40 países y cinco redes europees; organizaciones y asociaciones de la sociedá civil que trabayen conxuntamente pa sofitar les árees rurales. Poro, los miembros d'estes redes atópense na Unión Europea y nos países de los Balcanes occidentales y del Mar Negru.
El I Parlamentu Rural Européu celebróse, nel añu 2013, en Bruxeles. La segunda edición d'esti foru sobro mediu rural desenvolvióse na pequeña ciudá de Schärding, n'Austria, nel añu 2015 y la tercer edición foi celebrada nel conceyu de Venhorst, n'Holanda, nel añu 2017. Les trés convocatories cuntaron cola presencia de más de 300 delegaos/es de cuarenta países europeos.
Convertise na see del próximu Parlamentu Rural Européu ye una apuesta ambiciosa ya importante que READER asume gracies al sofitu institucional y a la collaboración privada; empezando por el mesmu Conceyu de Carreño que pon a disposición de la celebración del eventu dependencies municipales como El Teatru Prendes, escenariu aparente pa la celebración del plenariu del congresu; l'antigua Fábrica Conservera Ortiz que va acoyer les sesiones de work-shops and work meetings ; el Centru Polivalente La Baragaña y la Casa Municipal de Cultura, etcétera.
Convertise na see del próximu Parlamentu Rural Européu ye una apuesta ambiciosa ya importante que READER asume gracies al sofitu institucional y a la collaboración privada; empezando por el mesmu Conceyu de Carreño que pon a disposición de la celebración del eventu dependencies municipales como El Teatru Prendes, escenariu aparente pa la celebración del plenariu del congresu; l'antigua Fábrica Conservera Ortiz que va acoyer les sesiones de work-shops and work meetings ; el Centru Polivalente La Baragaña y la Casa Municipal de Cultura, etcétera.
Mientres estes feches, Asturies va tener la oportunidá d'esibir a Europa la so ganadería de carne y lleche, los sectores agroalimentariu y turísticu, la riqueza del patrimoniu natural y etnográficu, nueves tecnoloxíes, el sector de la pesca, l'artesanía y l'etnografía popular, etcétera. Estes salíes fora de la villa de Candás van ser coordinaes polos once Grupos de Desenvolvimientu Rural del Principáu porque, magar los actos concéntrense básicamente nel conceyu de Carreño, tolos socios de READER van participar na organización y celebración d'esti eventu.
Albandi
