Otru añu más, l'Asociación de vecinal de Albandi, que preside Agustín Rodríguez, entamó nestes feches un viaxe cultural p'asitiar un belén de cumes y conocer recursos turísticu-culturales. Nesti casu, instalóse'l portal na área recreativa de Vega de Anzo.
Esti Domingu 16 dÁvientu, a les 9: 00 h. partieron de Carreño dos autobuses y un microbús escontra Grau. Nel área recreativa asitiada nes proximidaes de la ilesia románica de Samartín de Guruyés l'asociación carreñense asitió'l belén de cumes. El Belén quedó instaláu nun tueru d'árbol de la área recreativa, ellí mesmu comieron duces y cantaronse villancicos.
Darréu, visitaron Grau y el mercadín selmanal. Finalmente, moviéronse a la Sotu'l Barcu, pa compartir una comida y un sortéu de regalos. L'actividá cultural tuvo la participación de 120 persones. En representación del Conceyu acompañó-yos l'Alcaldesa.
El próximu, Sábadu, 22 d'Avientu 18–22h na cancha polideportiva del CIR de Albandi l'acabante constituyir comisión de festexos “Esfoyaza” va celebrar la so primer fiesta de Navidá. Visitará-yos el faroleru, va haber churros con chocolate, sortéu d'una cesta de Navidá, photocall, concursu de postales navidiegues mientres la tarde a partir de les 19h. (para niños y neñes 4-12 años que pueden inscribise ellí mesmu) y más. A les 18 h. pal públicu infantil, primero que llegue'l Faroleru, va haber actividaes d'animación infantil entamaes pol Ayto de Carreño. P'aparcar, esi día, gracies a la collaboración vecinal, van tener habilitáu'l prau a la vera del Centru d'Iniciativa Rural.
Albandi
