El Conceyu de Carreño informó a la Directiva de l'Asociación de Xubilaos El Paseín sobre'l procesu de llicitación de la cafetería del Centru Polivalente “La Baragaña”.
“L'Asociación de persones xubilaes solicitó formalmente al Consistoriu que se fixera cargu de la xestión del establecimientu hosteleru. Y dientro del marcu llegal vixente'l Conceyu convocó la contratación pol procedimientu abiertu ordinariu l'axudicación del Contratu Alministrativu Especial de Serviciu de Cafetería nel Centru Polivalente “La Baragaña” de Candás, conforme a los Pliegos de Clauses Alministratives y de Prescripciones Técniques. Nestos dos Pliegos nos que se basa la llicitación atópense toa una serie de requisitos que la persona axudicataria tien que cumplir, amás de los criterios d'evaluación de les ufiertes presentaes” señalo Paula Cuervo-Conceyala de Bienestar Social.
“Nellos viéronse reflexaes les demandes que nos fixeron llegar na xunta que caltuvimos nel pasáu mes de marzu. Ente elles una posible bonificación nos precios que favoreza a les persones mayores. O la idoneidad de tener menúes del día y unos bonos con posibles descuentos selmanales pa facilitar qu'aquelles persones más vulnerables puedan esfrutar d'una comida equilibrada a un preciu algamadizu” prosiguió la edil.
Podíen allegar a l'axudicación del contratu les persones físiques o xurídiques, españoles o estranxeres, que tuvieren plena capacidá d'obrar, que tengan la habilitación empresarial esixente pa la realización de la prestación y acreditaren la so solvencia económica, financiera y técnica.
“El plazu pa la presentación d'ufiertes concluyó el 30 de xineru, presentándose dos ufiertes. Celebrándose de siguío dos meses de contratación nes que los as técnicos/es a partir de la documentación presentada realizaron los informes necesarios pa l'axudicación. Siendo la puntuación de les dos persones qu'opten a rexentar la cafetería de 76,50 y 79,10 puntos respectivamente” señaló Cuervo.
Esta puntuación correspuende a la valoración técnica de la ufiertes atendiendo a los siguientes criterios:
-Criterios valorables en cifres o porcentaxes. Hasta 60 puntos.
Nesti apartáu valoróse la propuesta d'inversiones que supongan una meyor calidá nel serviciu, la esperiencia demostrable y el preciu qu'ufierta.
-Criterios evaluables por aciu xuiciu de valor. Hasta 40 puntos.
Nesti epígrafe valoraráse'l proyectu d'esplotación previstu pa les instalaciones nes que s'incluyan mayor y menor ufierta de productos, cola indicación de los precios bonificaos pa les persones mayores de 65 años o xubilaes, servicios qu'empreste, xeneración de puestos de trabayu y cualesquier otru datu que dexe determinar les condiciones d'esplotación.
El llunes 18 de febreru va tener llugar la tercera y última mesa de contratación na que se va alzar la propuesta d'axudicación de la xestión serviciu
L'Asociación de persones Xubilaos “El Pasein” tien la so see social nel Centru Polivalente “La Baragaña”, nel cual dispon d'una serie de sales y despachos con un total de 263,69 m2 estremaos en:
-Sala “La Pecera” 60 m2
-Sala d'Usos Múltiples 136 m2
-Despachu 29,18 m2
-Sala de Llectura 22,68 m2
-Sala de podoloxía 15,83 m2
Ente les actividaes qu'a lo llargo del añu realicen atópense, ente otres, escursiones, viaxes culturales, homenaxe les persones mayores acomuñaes, clases de sevillanes, taller de bienestar y salú, amás de tener un serviciu de podoloxía y la sala de llectura na que ta disponible la prensa diaria.
Albandi
