Dende l'añu 1985 Candás celebra unes xornaes gastronómiques muy esperaes pola ciudadanía, les “Xornaes Gastronómiques del Bonito”.

Una cita que, anguaño, celebra la XXXIV edición.  Del 26 al 28 de xunetu  el pexe azul del norte por escelencia va ser el gran protagonista nos platos que se sirvan nos locales de la villa.  

“Son estes xornaes, entamaes pola Conceyalía de Turismu del Ayuntamientu de Carreño en collaboración coel sector hosteleru del Conceyu, que coinciden con la campaña conocida como “Costera del Bonito” yá que esta especie sólo se captura mientres los meses del branu, entre xunu y setiembre. Onde tol mundu puede allantar el so paladar con esti productu preparáu de distintes formes y oonde la ventresca ye una de les partes más codiciaes pol so bon sabor” señaló María Rosa Nodal-Conceyala de Turismu.

Un total de 21 establecimientos de restauración del conceyu van ser los encargaos de pone-y sabor al fin de selmana con dos opciones pa los comensales, que van poder escoyer entre:

• Menú Zarráu a un preciu de 25 € por persona que inclúi dos platos a escoyer, postre caseru, bodega y café, y onde el bonito ye'l gran protagonista.

• Menú a la carta, onde los establecimientos participantes d'esta modalidá van ufiertar na so carta distintos platos ellaboraos a base de bonito.

“En caúna de les dos modalidaes va poder tastiase platos bien especiales como pastel de bonito, arroz con bonito, pimientos rellenos, ensalada de ventresca o marmitako de bonito, rollu de bonito, a la plancha o a la candasina por poner dalgún exemplu, porque los establecimientos de restauración de la nuesa villa pesquera cuntan con un bon númberu de recetes d'esti aperciáu productu” comentó la Conceyala. 

Unes xornaes que van contemplar la celebración del XXIII Festival Banda de Gaites “Villa de Candás”, festival declaráu d'interés turísticu rexonal pol gobiernu del Principáu d'Asturies y que va tener llugar los mesmos díes que les xornaes Gastronómiques.

Establecimientos de Restauración que participen na modalidá de Menú Zarráu:

• Sidrería  Restaurante El Embarcadero

• El Llagar de Pola

• Sidrería Restaurante Casa Repinaldo

• Restaurante El Puerto

• Restaurante Torrontegui

Establecimientos de Restauración que participen na modalidad de Menú a la Carta:

• Restaurante La Parra

• Restaurante Sidrería La Estación

• Restaurante El Muelle

• Sidrería El Pescador

• Bar Restaurante El Náutico

• Pizzeria Doménico

• Restaurante Sidrería Santarúa

• Pulpería Señor Cachelo

• Mesón La Espiga

• Mesón Sidrería L’Espumeru

• Restaurante Sidrería Nordeste

• El Canalla

• Cafetería Centro Polivalente

• Sabores de Cocina

• Cafetería Principado

• Cantina de Tamón

• Sidrería  Restaurante El Embarcadero

• El Llagar de Pola

• Sidrería Restaurante Casa Repinaldo