Esti sábadu 5 d'ochobre tuvo llugar n'antigua Fábrica d'Ortiz el
IV Memorial José Ramón González Muñiz, entamáu pol Coro de la
Bodega de Candás que preside José Ángel Pérez Quirós, nel que
Coro Gabiana y Pipo Prendes, Coro Nordeste dirixíu por Alfredo Pérez
Pantiga, Voces Graves de Xixón cola dirección de Salvador Cuervo y
el mesmu Coro de la Bodega, tamién dirixíu por Cuervo, allantaron
al numberosu públicu asistente con un conciertu coral d'estremada
calidá y variáu repertoriu, tres el cual el fináu José Ramón
González recibió un nuevu y bien merecíu homenaxe póstumu con
entrega de flores a los sos familiares ellí presentes.
José Ramón foi un incansable
trabayador en pro de de la recuperación y caltenimientu de la música
popular candasina al traviés de la puesta en valor de los Cantares
de Bodega que formen parte fundamental de la cultura del nuesu pueblu
amás de fundador del propiu Coro de la Bodega y promotor organizador
de numberosos eventos musicales en Carreño. En representación del Ayuntamientu de Carreño allegó el Conceyal de Cultura Juan José Fernández amás de conceyales de la corporación.
Albandi
