El grupu municipal socialista y el
grupu municipal de Somos Carreño algamaron un alcuerdu pa sofitar el
proyectu de presupuestu que se va aldericar na sesión plenaria que
va celebrase la próxima selmana.
Tres delles selmanes de negociación
colos distintos grupos municipales, el gobiernu municipal llogró
l'alcuerdu presupuestariu con Somos Carreño. La propuesta de
proyectu de presupuestos pa 2017 que se sometió al alderique na
última comisión informativa de facienda yá incorporaba les
propuestes que se plantegaren dende'l grupu municipal de Somos y
l'alcuerdu foi ratificáu pola la formación el pasáu martes.
“Esti alcuerdu va dexar que
Carreño avance munches de les inversiones previstes y que deamos
respuesta a les demandes de la ciudadanía espresaes nel procesu
participativu previu a la ellaboración del anteproyectu de
presupuestu”– señaló Amelia Fernández, Alcaldesa de
Carreño.
“Valoramos de forma positiva
l'esfuerzu y la responsabilidá qu'asume'l grupu municipal de Somos
nesti alcuerdu. Una vegada más queda claro'l talante negociador del
equipu de gobiernu socialista y esperamos que más grupos se sumen a
un proyectu que respuende a les mires de la ciudadanía y al
caltenimientu de la calidá de los servicios públicos que
s'empresten en Carreño”– añedió l'Alcaldesa.
Ente les actuaciones que s'inclúin nel
proyectu que va aldericarse nel próximu plenu atópense les
siguientes:
SALÚ Y MEDIU AMBIENTE
-Estudiu del ruiu en Carreño.
-Estudiu del ruiu en Carreño.
-Auditoria pa la meyora de la
eficiencia enerxética del edificiu del Colexu Poeta Antón.
-Calidá del aire. Estación de midida
móvil:
Instalación en Carreño, nuna localización concreta a
axustar, d'una estación de midida ambiental móvil col oxetivu a
curtiu/mediu plazu de que la Conseyería competente fáigase cargu de
la so xestión y funcionamientu.
-Recoyida selectiva de borrafes:
-Avanzar de forma efectiva escontra un
sistema de recoyida de RSU (Borrafes Sólides Urbanos) d'alcuerdu a
los oxetivos de reciclaje qu'establez la Llei22/2011pol sistema
puerta a puerta.
URBANISMU
Meyora de parques y zones verdes en
Candás:
va redactase un estudiu técnicu dende
la OTM sobre la viabilidá del usu como aparcamientu baxu rasante de
la parte del suelu calificáu como zona verde entres les cais Muyeres
de la Paxa y Severo Ochoa en Candás. En dichu estudiu va incluyise
tamién:
-la solución técnica que
provisionalmente pueda facilitar la comunicación piatonal ente los
dos calles al traviés d'esa parcela calificada como zona verde.
-la valoración económica pal treslláu
del horru de Manuel Pérez a una zona de verde de Candás.
-Inversión en meyora de moblame urbanu
y arboláu en Fonte Los Ánxeles, San Antonio - Gervasia y Parque
Inglés.
Güertos públicos:
Completar los equipamientos (almacén
d'usu compartíu) pa la puesta en marcha de Güertos Públicos
Ecolóxicos.
Subvenciones reparación hórreo y
paneres estilo Carreño:
Defensa y protección del patrimoniu
etnográficu de Carreño, centrándose na necesidá de sofitar les
llabores de meyora y caltenimientu de los horros y paneres de estilo
Carreño.
CULTURA
Sofito a necesidaes estraordinaries que
pudieren tener nesta añalidá la Banda de Música de Candás y la
Banda Gaites Candás.
Plan de Normalización Llingüística.
Factoría musical de Carrió:
Puesta
en marcha de la primer fase del proyectu de Factoría Musical en
Carrió. Proyectu ellaboráu cola participación de los colectivos
destinatarios: grupos de música del conceyu.
Local pa la mocedá en Candás:
Una de les iniciatives más demandaes
mientres el procesu de presupuestos participativos foi la d'habilitar
un espaciu d'ociu destináu a la mocedá. va realizase un proyectu
piloto d'ociu alternativu, en collaboración cola Oficina
d'Información Xuvenil y l'Axencia de Desenvolvimientu Local de la
Mancomunidá Cabo Peñes. La finalidá del mesmu va ser trabayar na
definición d'un proyectu participáu en que la mocedá defina les
sos necesidaes, actividaes a realizar y espacios que podríen riquir.
DEPORTE
Instalaciones amiestes al campu d'El
Matu.
Estes actuaciones, xuntu cola
construcción d'una grada, taben dientro de les propuestes más
votaes nos presupuestos participativos.
BIENESTAR SOCIAL
Convocatoria beques comedor.
UFIERTA EMPLÉU PÚBLICU
1 Plaza más de Trabayador/a Social pa
reforzar l'atención que s'empresta nel Centru Municipal de Servicios
Sociales.
Albandi
