La Colonia de branu "Vive Carreño" empecipió les sos actividaes el pasáu 3 de xunetu con un total de 132 neños y neñes.

Un 47,46% de neños y neñes ente 4 y 6 años de Carreño participen nes colonies branices y un 19,96% de la población del conceyu ente 7 y 12 años participa nes actividaes programaes.

Les inscripciones pa la colonia "Vive Carreño” cerraron el pasáu 23 de xunu con un total de 217 solicitúes, de les cualos 112 pertenecíen al grupu de 4 a 6 años y 105 al grupu de 7 a 12 años.

En previsión de l'alta demanda que foi aumentáu de númberu nos postreros dos años, a propuesta de la Oficina Xoven de la Mancomunidá de Cabo Peñes, dende la Conceyalía de Mocedá del Conceyu de Carreño incorporaáronse p'anguaño 2017 na convocatoria de places 4 criterios d'almisión, venceyaos a:

primero: el presentar la solicitú dientro del plazu.

segundu: el ser residente nel conceyu de Carreño 

terceru: orde d'inscripción, fecha na que se formuló énte la inscripción cuartu:

morar fora del conceyu

"Optamos, per primer vegada anguaño, por incorporar unos criterios de baremación pa ordenar el gran númberu de solicitúes que recibimos estos últimos años pa participar nes colonies y dar prioridá a neños y neñes del conceyu que les sos families trabayen. Les actividaes desenvuélvense nel centru Polivalente La Baragaña de Candás y los espacios utilizaos pa l'actividá tienen una capacidá determinada que llinda les posibilidaes d'ampliar más les inscripciones" - esplicó la concejala d'área Paula Cuervo.

Les actividaes van rematar el próximu 19 d'agostu. Impártense de 10 hores hasta les 14 hores. Tres el correspondiente procesu de llicitación la prestación del servicios resultó axudicataria la empresa Vita Events.

El programa previstu ye'l que sigue:

-Actividaes y talleres temáticos

-Busques de l'ayalga y gymkanas

-Actividaes multideportivas y xuegos al campu

-Actividaes culturales y n'ingles

-Talleres de cocina creativa saludable-

-Actividaes d'educación emocional

-Fiestes temátiques

-Salíes pola redolada

"Cuntamos con ocho monitores en total, trés pal grupu de siete a once años, y cinco pal grupu de cuatro a seis años. Los primeros desenvuelven les actividaes nel salón d'actos de la tercer planta del Centru Polivalente La Baragaña, y los segundos tán en dos grupos desenvolviendo les actividaes en dos aules-talleres de la primer planta del centru" - comentó la conceyala. 

"Siguiendo los criterios d'almisión anguaño la infancia almitía na colonia ye residente nel conceyu, pal equipu de gobiernu de Carreño ye importante dar ayuda a toles families del conceyu que termináu'l cursu escolar nun tienen otra manera de conciliar la vida llaboral y familiar, d'ende la facilidá d'aportar a la colonia" - esplicó la conceyala. 

"Hai que recordar a vecinos y vecines de Carreño y turistes que nos visiten que nel conceyu esisten, amás de les colonies, delles actividaes nes que la infancia pueda esfrutar como son campus d'atletismu, voleybol, piragüismu, tornéu de fútbol trés, colonies musicales...." -concluyó la edil.