Una atarraquitada escampada nes
Conserveres confirmó el 22 de xunetu la bona salú del Festival
de Bandes de Gaites “Villa de Candás”, fiesta d'interés rexonal
entamada dende la Banda de Gaites de Candás n'estrecha collaboración
col Conceyu de Carreño. L'ésitu d'organización foi total dando
llugar a un vistosu actu musical y cultural en continua crecedera yá
na so XXI edición. Castro Bérgidum de Ponferrada, Bandina de
Candás, El Gumial d'Ayer, Bagad Konk Kerne de Bretaña y Banda de
Gaites de Candás fueron les agrupaciones participantes nel eventu,
rematáu con vistosos fueos artificiales.
Mientres el fin de selmana fuéronse
asocediendo desfiles, conciertos y actividaes diverses que
contribuyeron a un “llenu” de turistes y visitantes en Candás,
demostrando'l dinamismu ya importancia d'esti gran eventu musical pa
la imaxe de Carreño.
Yá rematando les xornaes del festival,
esti Domingu 23 tuvo llugar el IV Concursu de Cuerpos de Percusión
na plaza de la Baragaña que foi ganáu por Castro Bérgidum del
Bierzo.
Albandi
