Mientres el periodu d'allegamientos de la revisión del Plan de
Meyora de la Calidá del Aire de la Aglomeración de Xixón aprobáu
n'agostu de 2014, el Conceyu de Carreño propunxo a la Conseyería
l'ampliación del estudiu de caracterización de partícules
sedimentables a la parroquia de Prevera por ser una zona altamente
afectada por esti tipu de contaminante al igual que'l restu de zones
propuestes nel Plan.
Na última xunta de la Comisión de Siguimientu del Plan celebrada
a finales del pasáu mes de xunu, alcordóse la instalación d'un
nuevu captador de partícules sedimentables en dicha parroquia. El
mididor va instalase na redolada del Centru d'Iniciativa Rural.
Esti nuevu captador va ser el terceru instaláu nel conceyu, nel
marcu del Plan de la Meyora de la Calidá del Aire de Xixón nel que
s'inclúi la mayor parte del territoriu de Carreño sacante Tabaza y
la so redolada (qu'a efectos de zonificación atópense incluyíos na
Zona d'Avilés).
Los otros dos captadores atópense en Falmuria (Priendes) y Monte
Morís (Albandi). Anguaño tase estudiando'l treslláu del mididor de
Monte Morís a la Urbanización de Xibares (Albandi) pa ver la
incidencia de les partícules nes zones más poblaes.
Albandi
