“La reforma que se planteó consiste na implantación d'una nueva pista de tenis reglamentaria y la reurbanización de la redolada pa dar llugar a una futura instalación de dos pistes de pádel cubiertes. Asina dase respuesta a una de les peticiones formulaes pol vecinderu nel postreru procesu de presupuestos participativos” señaló David García, edil de deportes.
“Encargamos a la Oficina Técnica Municipal la ellaboración del proyectu de reforma pa la so posterior contratación. Tres el procesu de llicitación, al que se presentaron dos empreses, les obres axudicáronse a GALITEC DESARROLLOS TECNOLÓGICOS, S.L. por un importe final de 103.797,43 €, al ser esta la ufierta más ventaxosa en términos de calidá-preciu” señaló el conceyal.
“Proyectamos admás de la implantación y equipamientu completu d'una nueva pista de tenis reglamentaria esterior con iluminación artificial, la obra civil, rede de saneamientu ya instalación eléctrica necesaria pa una implantación inmediata d'una pista de pádel cubierta, susceptible de ser duplicada fácilmente si hai acuerdu políticu pa contar con presupuestu d´inversiones en 2020” continúo García.
Les obras van culminándose conforme a los plazos previstos so la supervisión de los técnicos de la oficina técnica municipal. Na última xunta de Gobiernu aprobóse'l pagu de la primera certificación de la obra.
Albandi
