El Conceyu de Carreño, al traviés del serviciu d'obres, y el personal encargáu del suministru y evacuación d'agües, supervisen esta selmana un programa d'actuaciones de llimpieza nes redolaes de los depósitos d'agua potable del conceyu.

Cada unu de los barcales dedicaos al consumu humanu son puntualmente vaciaos pol equipu de fontanería pa la so llimpieza intensiva tanto interior como esterior, eliminación de barru, meyora de la impermeabilización, supervisión de la maquinaria de suministru y aplicación química, meyores del valláu de seguridá y trabayos de desinfección y control de posibles plagues.

Les acciones de supervisión y meyora de los depósitos formen parte d'un plan de supervisión y control del suministru d'agua y que pretende qu'estes acciones se realicen dacuando dende obres se sume la llimpieza de vexetación de les redolaes de los depósitos, de manera regular, siquier una vegada al añu, cumpliendo asina con toles garantíes tanto de seguridá como de calidá del serviciu.