El próximu martes, 10 d'ochobre de 2017, de 10 a 12,30 hores nel salon d'Actos del Polivalente, el Conceyu de Carreño entama en Candás la Xornada “Formación Profesional pal Empléu” onde Alfonso Luengo Álvarez-Santullano, director xerente de la Fundación Estatal pa la Formación nel Empléu (FUNDAE), va presentar el sistema de Formación pal Empléu nel so nuevu marcu lexislativu y l'estructura organizativa de la Fundación que lo xestiona. Coles mesmes, María Teresa Vega Estrella, responsable del Centru Territorial de la Fundación Estatal pa la Formación n'Asturies, va detallar toles posibilidaes de formación, tanto aquelles que pueden programar y faer directamente les empreses pa los sos trabayadores, como los Permisos Individuales de Formación de los que pueden ser beneficiar trabayadores de les mesmes directamente, asina y non menos importante como la forma de financiamientu de los costos d'estes iniciatives de formación.

De siguío y pa rematar, va tener llugar una mesa redonda, onde Chary Alesón Bustelo, responsable d'equipu de formación nel Centru de Recursos Humanos de DuPont, Marisa Negrete Plano, xerente de la Federación de Polígonos Industriales del Principáu d'Asturies y Carmen Moreno Llaneza, xerente de la Unión de Comerciantes del Principáu d'Asturies, van esponer l'usu, esperiencia, llimitaciones y necesidaes que presenta esti sistema de formación pal empléu  na gran empresa, les pequeñes empreses industriales y les microempresas del comerciu y l'hostelería.

La cotización obligatoria, que tanto de les empreses como de trabayadores faen al Sistema de Formación pal Empléu, la meyora continua de competitividá que precisen les empreses pa sobrevivir y la demanda de trabayadores cualificaos, fai necesariu que tanto les empreses como trabayadores aprovechen la posibilidá de recuperar esos fondos, a los que necesariamente contribúin, vía formación.

"L'oxetivu de la xornada ye amás de dar a conocer y espublizar el sistema de Formación Profesional pal Empléu ente toles empreses, trabayadores y trabayadores, analizar, estudiar y ver la viabilidá de que los micro y pequeñes empreses puedan satisfaer les sos necesidaes formatives al traviés de l'agrupación de les mesmes, enriaes al traviés d'asociaciones empresariales que vienen collaborando dende va años col Conceyu de Carreño, como les trés asociaciones empresariales de los polígonos industriales locales y l'Unión de Comerciantes" - espresó l'alcaldesa Amelia Fernández.

"La xornada va celebrase, a partir de les diez de la mañana, nel centru polivalente La Baragaña. Amás de pal texíu empresarial, trabayadores y trabayadores locales, la sesión formativa ya informativa ta destinada a quién intervienen nel mercáu llaboral dende un puntu de vista de los recursos humanos (universidaes, axentes sociales, servicios públicos d'empléu y formación, departamentos de formación d'empreses y asociaciones empresariales, instituciones y empreses de formación, intermediación llaboral, etc.)" - concluyó la rexidora.