El próximu xueves, 1 de Febreru, a les 19 h nel aula polivalente del Centru d'Iniciativa Rural “Monte Areo” va celebrase una charra informativa col tema la polilla guatemalteca qu'afecta al cultivu de patata. va impartirla Máximo Braña,  Xefe de Sección de Sanidá Vexetal de la Conseyería de Mediu Rural y Recursos Naturales.

El conceyu de Carreño ta declaráu, pol Principáu, como zona tampón polo que los plantíos de patata que se faigan tamién anguaño 2018 han de comunicase a la Conseyería indicando superficie cultivada y llugar del plantíu. 

“L'oxetivu d'esta xunta informativa monográfica ye afondar na información al vecinderu del conceyu y concencia-yos que ye por demás importante qu'énte cualesquier mínimu barruntu de la presencia d'ésta plaga se comunique a la Conseyería p'actuar con rapidez y enzancar la so espansión n'Asturies” - esplicó'l conceyal de Mediu Rural, Manuel Noceda.