Esti 10 de xineru presentóse nel salón de plenos del Conceyu de
Carreño la XXXIV Edición del Campeonatu d'Asturies de Clubes 2018,
Troféu Club Náuticu de Carreño de Cross. L'actu tuvo la presencia
del Vicepresidente de la Federación d'Atletismu del Principáu
d'Asturies, Alipio Ramos, el presidente del Club Náuticu de Carreño,
Luis Alfonso Prendes, David Muñiz, responsable de comunicación del
Club y el conceyal de deportes del Ayto de Carreño, Gabriel
Rodríguez.
Na presentación repitiéronse los agradecimientos al club
organizador a patrocinadores, Federación Asturiana d'Atletismu,
según al Gobiernu del Principáu pola cesión de la Ciudá
Residencial para la celebración de tan importante prueba “lo
que supon una proyección deportiva y turística para Carreño, na
que ta prevista una inscripción de más de 400 deportistes,
estremaos en 8 categoríes distintes, dende sub-16 a Senior”
señala Gabriel Rodríguez .
Patrocinadores: Gobiernu del Principáu d'Asturies, Dirección
Rexonal de Deportes, Ayuntamientu de Carreño, Patronatu Deportivu
Municipal de Carreño y Federación Asturiana d'Atletismu.
Entama: Club Náuticu de Carreño
Collaboren: Club Victoria de Perlora, Centru Cultural “Teatro
Prendes”, Coca Cola, Cruz Roja Española y Liberbank.