El prao de Gervasia foi escenariu ayeri
6 d'ochobre del descubrimientu d'una placa de bronce sobre les
antigües piedres del espaldón del muelle candasín, n'alcordanza y
homenaxe a “Les Candases”, muyeres de la villa de Candás
asesinaes mientres la guerra civil, que los sos restos reposen nel
campusantu de Bañugues. La lleenda de la placa reproduz un testu del Poeta Miguel Hernández traducíu al Asturianu.
Nel emotivu y senciellu actu los
familiares de les asesinaes dieron llectura a un poema ya
intervinieron recordando a estes muyeres que morrieron poles sos
idees en defensa de les sos families, la llibertá y la democracia.
L'homenaxe foi abiertu a les 17,30 h. cola actuación del Cuartetu K de la Banda de Música de Candás. L'actu tuvo amás la presencia de l'Alcaldesa de Carreño, Amelia Fernández y l'Alcalde de Gozón, Jorge Suárez.
L'homenaxe foi abiertu a les 17,30 h. cola actuación del Cuartetu K de la Banda de Música de Candás. L'actu tuvo amás la presencia de l'Alcaldesa de Carreño, Amelia Fernández y l'Alcalde de Gozón, Jorge Suárez.
Albandi
