La Federación Asturiana de Conceyos va ufiertar en Candás esti
serviciu hasta Setiembre de 2018, col sofitu del Conceyu de Carreño.
Les persones desemplegaes del conceyu de Carreño van tener,
dende'l próximu llunes 15 de Xineru y hasta el 30 de Setiembre, un
nuevu puntu d'orientación y asesoramientu llaboral nel Centru
Polivalente “La Baragaña”, de Candás. Trátase de les Acciones
d'Orientación Llaboral pal Empléu y Asistencia al Autoempléu
(OPEA) y del Programa Integral d'Orientación y Meyora de la
Empleabilidá (PIOME, dirixíu ésti a persones ente 30 y 54 años),
financiaos pol Serviciu Públicu d'Empléu, y puestos en marcha per
iniciativa de la Federación Asturiana de conceyos (FACC) cola
collaboración del Conceyu de Carreño.
Per mediu d'estos programes, los paraos t paraes del conceyu de
Carreño van poder aprovechar un serviciu gratuitu de tutoría y
orientación personalizaes, que-yos dexará practicar habilidaes
pa la busca d'empléu, y tamién recibir conteníos formativos
específicos pa la meyora de la empleabilidá.
Pa participar nestos programes (que se van desenvolver na
planta baxa del Centru polivalente de Candás de llunes a vienres,
n'horariu de mañana), les persones comenenciudes tendrán de
comunicalo a la Oficina d'Empléu de Xixón I (Fermín Canella),
oficina del Serviciu públicu d'empléu del que depende Carreño y ye
la que va coordinar la convocatoria y cites de les persones
usuaries.
Albandi
