“Recibimos a día 9 de xineru nel Ayuntamientu la
comunicación de la Comisaría del Cuerpu Nacional de Policía
d'Avilés col calendariu de desplazamientos pa tramitar la Espedición
o Renovación de los documentos Nacionales d'Identidá (DNI) en
Carreño. Esta prestación ponse a disposición del vecinderu del
conceyu, por que lo anueven en Candás ensin tener que movese a otres
localidaes. Esti serviciu ye frutu del alcuerdu de collaboración
establecíu ente'l Conceyu y el Ministeriu d'Interior” –
señaló'l conceyal de Seguridá Ciudadana, Simi Velasco
Los díes de renovación del DNI anguaño en Carreño van ser los
siguientes:
-19 de Febreru de 2018. Fecha de recoyida'l 22 de Febreru.
-16 d'Abril de 2018. Fecha de recoyida'l 19 d'Abril.
-28 de Mayu de 2018. Fecha de recoyida'l 31 de Mayu.
-24 de Setiembre de 2018. Fecha de recoyida'l 27 de Setiembre.
-5 de Noviembre de 2018. Fecha de recoyida'l 8 de Noviembre.
Llugar: Ayuntamientu de Carreño.
Riquese p'aportar al mesmu solicitar cita previa ya información:
Ayuntamientu de Carreño. Teléfonu 985870205-06
(Inmaculada-Secretaría; José Manuel-Alcaldía). Esiste llende de
tramitación p'acaldía.
-Importe abonar: 11 €. Cambéu de datos, gratuitu.
-Llograr DNI ye obligatoriu dende los 14 años, pero puede faese
dende la nacencia.
-Los DNI llograos dempués de los 70 años yá son definitivos.
-Delles compañíes aérees nun dexen viaxar ensin documentar y
nun consideren válidu'l Llibru de Familia.
-Persones impidíes pa desplazamientu: Posible en cualquier fecha.
Informase sobro requisitos pa DNI a casa.
-Pueden anovase con duración normal los que caduquen antes de 90
díes de la fecha indicada. Los que devasen solo vixencia hasta la
fecha del anterior (sustraíu, tresmanáu o deterioráu).
-Anguaño, previa acreditación documental, la espedición ye
gratuita pa les families numberoses. (Carné Individual a valir
emitíu pola Conseyería de Bienestar Social del Principáu
d'Asturies).
Mientres
l'añu 2018 nun se preven más desplazamientos a Carreño, sicasí,
les persones comenenciudes van poder realizar davezu los trámites en
cualquier Comisaría con cita alcordada primeramente, llogrando'l
DNIe nel mesmu día, llamando al 902247364, o bien a traviés
d'Internet: www.citapreviadnie.es.