En relación a les declaraciones de IX Carreño relatives a la negociación presupuestaria, Gabriel Rodríguez, voceru del gobiernu local, señaló que "se-yos treslladó una propuesta totalmente abierta a la negociación, qu'incluyía inclusive una meyora de les opciones que presenta'l remanente, del cual  el 35 % según lo alcordao, destinaríase a inversiones de los presupuestos participativos, ye dicir 420.000 euros según los proyectos más votaos. Y el restu 780.000 mil euros podríen incluyir les propuestes de la coalición”.

“La respuesta d'IX foi que respectu al presupuestu nun hai enforma marxe p'axustar y que nun tienen decidíos proyectos qu'incluyiríen nel remanente a la espera de conocer les cifres totales. Amás cuestionaron la necesidá d'ampliar la plantiya y el salariu de l'Alcaldesa, temes éstos a los que dende'l gobiernu yá respondimos na mañana nel sentíu de que va haber que dar cumplimientu al alcuerdu publicáu nel BOE y esperar a l'aprobación definitiva de la Llei de Presupuestos Xenerales del Estáu”, añedió Gabriel Rodríguez.

“Entendemos que lo único a lo que respuende l'actitú d'IX ye a la so falta de proyectos pa Carreño sobre los qu'axustar. Una vegada más entra al alderique hipócrita de los salarios de los cargos públicos pa esviar l'atención a la so propia falta de proyectu políticu pal conceyu”, concluyó'l conceyal.