Dientro de los actos entamaos dende'l Consistoriu carreñense por cuenta de la salida d'una de les etapes de la Vuelta a España dende Candás, la Casa de la Cultura va acoyer del 6 al 9 de setiembre la Esposición Fotográfica "El Ciclismu en Carreño, Pasáu, Presente y Futuru".

El vienres 7 de setiembre la 13ª etapa de la 73ª edición de la Vuelta a España va recayer nel nuesu conceyu, siendo escoyida la villa de Candás pa protagonizar la salida del pelotón na xornada d'esi día. Percorrer parte de la xeografía asturiana hasta enfusase en tierres lleoneses pa faer la so llegada nel Valle de Sabero, na Camperona, na zona lleonesa del Cordal Cantábricu.

Ye por ello que dende la Conceyalía de Deportes, y nesta ocasión xuntu cola Conceyalía de Cultura y l'asociación cultural local "Candás Marinero", entamóse esta amuesa fotográfica nel que ta presente'l pasáu, presente y futuru del ciclismu del nuesu conceyu.

"La esposición va constar de 81 instantánees vencíes, de forma altruista, por 8 families del Conceyu. Estes families tuvieron o tienen relación colmundu del ciclismu yá sía de forma profesional o amateur. Ye'l pequenu homenaxe, reconocencia que dende Carreño se quier faer a toes aquelles persones qu'a lo llargo de la so carrera profesional llevaron el nome del so conceyu a tolos rincones del planeta. Nelles vamos poder analizar y reparar los cambeos que sufrió esti deporte tan duro, como ye'l casu de los distintos modelos de bicicleta, viendo les meyores tecnolóxiques; los tipos de indumentaria que llevaben los corredores; o los medios técnicos y personales de los que disponíen y disponen los equipos" señaló Cecilia Tascón-Conceyala de Cultura-.

Les families y persones que vencieron les instantánees, de manera desinteresada fueron:

Familia de Vicente y Jesús López Carril

Aniceto Hevia Álvarez

Carlos Muñíz Menéndez

José Suárez García "Perlora"

Escuela de Ciclismu de Carreño

Marcelino Torrontegui

Joaquín González Vega "Chopi"

“Dende l'asociación cultural "Candás Marineru", que presido, quiero estimar a toes aquella entidaes, según a la ciudadanía, que d'una forma altruista, venciéronnos les fotografíes pa poder llevar a cabu esti nuevu proyectu. Un nuevu proyectu col que tamos bien ilusionaos, siendo la manera na que les persones que formamos parte de l'asociación queremos contribuyir a emponderar, si cabo más, un acontecimientu deportivu tan importante como ye ser la see d'una de les etapes de la Vuelta Ciclista a España" comentó Tito Aramendi-Presidente de l'asociación cultural "Candás Marinero".

"Les persones qu'alleguen a la Casa de la Cultura, non yá van poder ver fotografíes de la hestoria del ciclismu en Carreño, de los carreñenses que viviegamente participarony participen d'esti deporte, si non que l'amuesa tamién va cuntar con una serie de maillots, cola firma de los ciclistes a los que pertenecieron nel so momentu, vencíos pa la ocasión por Joaquín González Vega "Chopi" como ye'l casu del maillot mariellu del ganador de la Vuelta del añu 1993, el suizu Tony Rominger, que nesi momentu militaba nel equipu asturianu CLAS; o'l maillot arcoíris del Campeón del Mundu en Ruta en 1995 Abraham Olano; o'l maillot de Vicente López Carril vencíu pol Patronatu Municipal Deportivu, ente otros. O de bicicletes vencíes pa la ocasión por Jacinto Aramendi" prosiguió Tascón.

La Esposición Fotográfica que va ser inaugurada'l próximu xueves, @6 de setiembre, a les 19:00 hores, va poder ser visitada dende'l mesmu día de la inauguración hasta'l domingu 9 de setiembre nel siguiente horariu:

Xueves de 19:00 a 22:00 hores.

Vienres, Sábadu y Domingo de 10:00 a 13:30 y de 17:00 a 20:00 hores.