La parroquia de Prevera celebró na mañana d'esti domingu 5 d'agostu la festividá del Carmen. 

Promovida pola asociación vecinal, que preside Juan Díaz, celebróse la misa festiva oficiada pol sacerdote, Eduardo Berbes y procesión previa pola redoma del templu. Dichu cura foi coaxutor de la parroquia de Candás nos años 60 y xubilóse como párrocu en San Miguel de Pumarín. Eduardo, ofició ayudáu de José Marcelino García. Na so visita a Prevera Eduardo  atopóse con antiguos alumnos y alumnes de la so etapa como profesor na Academia de San Félix en Candás. 

La celebración llitúrxica foi cantada de forma desinteresada pol coru de Perlora, cola dirección d'Alba García y José Luis Iglesias interpretaron la homilia n'alcordanza y agradecimientu al que fuera cura párrocu de Prevera, l'apocayá fináu Jesús García.

La imaxe de Ntra. Sra. del Carmen foi portada por José Antonio, José Luis, Juan d'Herminio y Alberto. Actuación de pareya de gaita y tambor patrocinada polAyuntamientu.

Próximamente, nun establecimientu hosteleru, van rindir tributu a los mayores de la parroquia. Anguaño van ser Socorru de casa’l Hacha y Juan de'Herminio.

La ornamentación de la Ilesia foi obra de Flores Elena, florista que mora dacuando na parroquia.