Esti 8 de xunetu, l'Alcaldía de Carreño emitió un bandu que se
va comunicar a la entidá vecinal de la zona “Río Espasa” de
Perlora y va asitiase pelos espacios públicos habilitaos pa la
información municipal.
Al traviés del mesmu, #informar al vecinderu de la zona que yá
s'atopen en serviciu nueves REDES DE SANEAMIENTU
correspondientes a los siguientes barrios de la parroquia de PERLORA:
RODILES, EL PRAU, TOSTARA, LA TORRE, LAS ARENEA, LA ROTELLA,
SALGUERU, LA PEDRERA, LA NOZALEDA, LA IGLESIA, ESTAQUERA, ESPASA, LA
ESTACIÓN y LA RODADA.
“Dende'l gobiernu local consideramos necesariu poner de
manifiestu al vecinderu del a zona la disponibilidad de les redes de
saneamientu públicu y l'obligatoriedá de solicitar la conexón de
les agües residuales de les viviendes a les nueves redes, siempres
qu'éstes s'atopen a una distancia non mayor 100 metros del puntu
d'arramáu, sacantes demuestre la imposibilidá física pa executar
dicha conexón (art. 7.50 de la Normativa del PGO vixente)”
– esplicó'l conceyal de la área, Gabriel Rodríguez.
“Les conexones, nel so casu, van realizase previu llogru de
la correspondiente autorización municipal. No que va de llexislatura
acometimos meyores nes redes de saneamientu de delles parroquies,
ente otres, Candás, Quimarán, Prevera, Carrió, y Perlora. Tase
licitando una obra de saneamientu pa la zona de Monte Morís
(Albandi) y tánse executando anguaño en Mazaneda pa dar serviciu a
dos parroquies” – concluyo'l conceyal.
Albandi
