El Conceyu de Carreño impulsa un proyectu con personal propio pal
acondicionamientu y meyora de les paraes d'autobús na zona rural del
conceyu.
“Esisten más de 58 marquesines distribuyíes polos núcleos
rurales del conceyu. Llorgozana, la parroquia más estensa de
Carreño, ye la que tien mayor númberu d'elles, más d'una decena.
Síguen Quimarán en redol a 9, Perlora con 8, Tamón con más de 7,
y Carrió con 6, y asina sucesivamente” – esplicó
Manuel Noceda, edil de mediu rural.
Nel desenvolvimientu de les sos competencies el consistoriu
trabaya por ameyorar les condiciones de paraes de los servicios
regulares d'autobús, amontando la fluidez y la seguridá del
tráficu, garantizando l'accesu a toles persones (eliminación de
barreres), y ameyorando les condiciones d'espera.
“El serviciu d'obres realiza llabores de llimpieza, roza y
pintáu de les marquesines. Yá s'ameyoraron les allugaes nel tramu
que va dende Perán al Empalme na carretera AS-238 poles parroquies
de Perlora, Albandi y Prevera. Anguaño tán trabayando nes de la
parroquia d'El Pieloro”– concluyó'l conceyal.