Dientro de les tradicionales Fiestes
del Santísimu Cristu de Candás ye costume popular que nel amanecer
del 14 de setiembre tenga llugar la celebración de l'Alborada
Marinera homenaxe a los homes y muyeres que dexaron la so vida na
mar.
Programa previstu
Coordinación del mesmu a cargu del
poeta candasín José Marcelino García.
7 hores. Recepción d'autoridaes y
persones convidaes nel antiguu Conceyu.
7:05 hores. Salida en dirección al
puertu onde ta prevista la ufrienda floral énte “La Marinera”.
7:30 hores. Presentación de
l'Alborada” al cargu de D. José Marcelino García y pregón al
Alba por D. Lauren García, Poeta Uvieín, na escampada de la
confrería.
De siguío Toque de Silenciu y Toque
d'Oración por Iván Rodríguez, integrante de la Banda de música de
Candás. La oración realizarála la candasina María José
Fernández, quién sustitúi nel rezu de la mesma a la emblemática
“Ferina” dende'l so fallecimientu. Interpretación del Cantar
MARINERU pol públicu asistente.
8 hores. Salida d'embarcaciones pa
depositar flores y corones nel mar.
8:30 hores. Al regresu de les
embarcaciones, Toque Diana Floriada, de nuevu por Iván Rodríguez.
Interpretación de delles temes
populares per parte del Coru Nordeste so la dirección d'Alfredo
Pérez “Rodada”. Esti coru de Candás súmase voluntariamente a
estos actos reforzando'l mesmu al interpretar cantares de la mar.
Danza Prima Popular, dirixida por María
Esther Vega, cola participación del públicu asistente y peñes
marineres.
Al acabar l'Actu inauguración del
mural “Xarabal de Pexes” nel espaldón del Muelle Local.
8:45 hores. Café de Popa sirvíu pol
Restorán “El Náutico”.
Poeta del Alba 2018
Lauren García, (Uviéu, 1977) .
Llicenciáu en Ciencies de la Información. Tien publicaos los
llibros de poesía “Versos como sangre hirviendo” (Verbum,
@2005) y “El castigo de los ángeles” (Quaderna Via, 2014) y la
plaquette “El joven irredento”. Figura nuna ventena de llibros
colectivos tantu en versu como prosa y en diversos proyectos
culturales. Creaciones sos apaecen en distintes revistes culturales
en castellán y llingua asturiana.
Collaboró como periodista, dende la so
dómina universitaria hasta l'actualidá, en medios como La Hora de
Asturias , La Estrella Digital o Lliterarias, ente otros.
Dende 1998 collabora col periódicu La
Nueva España, onde, anguaño, escribe nel suplementu Cultura y
coordina el blogue Poesía desbocada.
Xarabal de peces
El Conceyu de Carreño va allugar
(p'afayalo'l día de l'Alborada) n'unu de los murios de
contención del puertu de Candás un “Xarabal” de pexes en
cerámica n'homenaxe y alcordanza a Poetes y Poetisas que recitaron
un Poema al Alba en dalguna de les ediciones de la tradicional
Alborada Candasina. La obra cerámica que pretende instalase (colos
nomes de tantes y tantos bonos poetes y poetisas que, mientres
eses cuarenta Alboraes, pasaron por Candás) ye de la ceramista
local Rita Prendes.
El mural cerámicu “Xarabal de pexes”
tendría unes dimensiones de 6 metros de llongura por 1,20 d'anchu.
Por indicaciones de Puertos del Principáu la obra va instalase nun
soporte móvil sobre'l que s'asítien los pexes colos citaos nomes.
Ancla n'alcordanza y homenaxe a
Agustín Santarúa
La Fundación Philippe Cousteau “Unión
de los Océanos”, va asitiar un ancla tipu patente, que mide 1,30 m
d'altu y 1 d'anchu. Ancla procedente d'un barcu de Vigo.