A veres del Mar Cantábricu, Candás,
capital del conceyu de Carreño ufiértase al visitante como'l frutu
del trabayu de xeneraciones de pescadores, qu'a lo llargo de los
sieglos conformaron la idiosincrasia fondamente marinera d'esta
localidá. Fueron quedando tras nueses típiques fiestes patronales y
branices; toes elles chiscaes de numberoses celebraciones y diversos
actos culturales, deportivos, profanos y relixosos. Fiestes que, a lo
llargo d'estos meses de branu, fixéronnos esfrutar y prestanos
sanamente con familiares, amistaes y visitantes. Y asina, d'esta
manera, de nuevu tamos a les puertes de la más tradicional de toes
elles: la del Santísimu Cristu de Candás, de tan especial enraigono
y veneración nel nuesu pueblu.
El puertu de Candás nun ye namá
tradición: ye tamién un magníficu soporte pa la pesca deportiva y
les actividaes náutiques, amás con un especial apueste pol deporte
inclusivu. La práctica del piragüismu volvió al puertu y l'afición
deportiva que caracteriza a les xentes de Candás y Carreño dende va
décades tien el so reflexu nos numberosos clubes deportivos del
conceyu, de les más diverses disciplines. Esta vocación pol deporte
facilitó que Candás sía considerada "Villa d'Olímpicos",
porque 10 de los sos vecinos y vecines participaron en Xuegos
Olímpicos, algamando en 4 ocasiones la gloria de les medayes.
Como broche a un branu de 10 pa un
pueblu 10, atarraquitao d'una programación incomparable nel que nun
perdimos nin el Festival de Gaites (declaráu Fiesta d'Interés
Turísticu rexonal), nin el de fanfarries, nin la música
internacional, la selmana de jazz, el salón de teatru costumista y
nel qu'esfrutamos del conciertu Los 40 SummerLife y vamos esfrutar
con la salida de la Vuelta España y el conciertu Mina y Mar de la
mano de Pipo Prendes & Chus Pedro nel Parque de Les Conserveres.
Güei presentóse el variáu programa de les Fiestes del Cristu de
Candás y al pregoneru, Carlos Prendes Viña, primer candasín que
participó nunes olimpiaes, fíxolo l'añu 1968 nes de México.
L'hestóricu olímpicu candasín y cofundador del Club de Piragüismu
"Los Gorilas" de Candás va ser el pregoneru de les nueses
fiestes.
CURRÍCULUM CARLOS PRENDES VIÑA
Nacíu'l 18 de Xunu de 1940. Los
primeros años estudió na Escuela de Ramón de Xuan y na Academia de
Don Ángel. A los 14 años ingresa na Escuela de Comerciu de Xixón,
a los 22
llogra'l Títulu de Profesor Mercantil.
Una vegada casáu marchó a México onde trabayó nel Restorán
Prendes, propiedá de la familia de Rocío, la so muyer. Dempués de
10 años vuelven a España onde abren una carnicería, que yera lo
que-y gustaba al trabayar na del so padre de neñu. Diez años
dempués cerróla y abrióun kiosko, que trabayó mientres casi venti
años hasta la so xubilación.
RESUMEN CURRÍCULUM DEPORTIVU DE CARLOS
PRIENDES VIÑA.
Porteru en categoríes inferiores del
Candás C.F. del añu 1955 al añu 1958.
Fundador xuntu col so padre (Amando),
Hermanos (Amando y Pipo) y el so amigu Mamel Lombardero del Club de
Piragüas Los Gorilas de Candás nel añu 1960.
Primer Carreñense Olímpicu al
participar na modalidá de piragüismu na Olimpiada de México 68.
Piragüismu: Participante nel
Campeonatu del Mundu en Berlín nel añu 1966.
Piragüismu: Medayes d'oru y plata nos
Xuegos Panamericanos en Canadá nel añu 1967.
Piragüismu: 6ª en K2 (con Lolo) nel
descensu del Sella nel añu 1976.
Piragüismu: Campeonatos d'Asturies
dellos años en distintes modalidaes y distancies.
Atletismu: Pesu, discu, jabalina,
triatlón... dende l'añu 1956 dellos campeonatos d'Asturies y
d'España en distintes disciplines.
Anguaño campeón d'España de
veteranos.
Coentrenador delles temporaes del Club
Los Gorilas.
Entrenador y preparador físicu de
delles xeneraciones de vecinos de Carreño.
Preparador físicu del Candás, C.F.
nos años 1987 y 1988.
Preparador físicu de los equipos
femeninos de voleibol de Carreño dende l'añu 2015.
A última hora, sían estes fiestes una
nueva oportunidá pa participar y esfrutar d'una sana y allegre
convivencia ciudadana y familiar; y ocasión tamién d'amosar a quién
nos visiten la cordial capacidá d'acoyida que nos caracterizó
siempre como pueblo qu'entá mira al mar.
Na presentación del programa festivu
recordóse sentidamente, a toes aquelles persones de la nuesa
comunidá que nos dexaron especialmente aquelles que lo fixeron a lo
llargo del añu. Alcordanza emocionada p'aquelles que, como'l pintor
Alfredo Menéndez, Fíu predilectu del conceyu, Alberto García,
divulgador infatigable de la obra escultórica del so tíu Antón y
l'irrepetible Josefa "La Cervera", collaboraron con esta
villa, siendo amás grandes entusiastes nel impulsu de munches de les
nueses fiestes y eventos socioculturales y deportivos.
PROGRAMA COMPLETU
 |
| PINCHA P'AMPLIAR |
Albandi
