El consistoriu abrió'l plazu pa la presentación de documentación xustificativa de les subvenciones municipales concedíes a entidaes. Plazu que, según lo previsto nes bases de les convocatories, va rematar el 30 de noviembre de 2018.
Habilítase, según lexislación vixente, la tramitación electrónica, con un modelu que puede descargase na web municipal.
Qu'inclúi:
Memoria técnica y xustificativa
A) Memoria d'actuación: Actividaes realizaes, resultancies llograes.
B) Memoria económica. Incluyendo:
-Balance económicu de l'actividá subvencionada.
-Relación clasificada de los patrocinios, collaboraciones o otros recursos ensin prever nel presupuestu inicial, yá sían en metálicu o n'especies.
-Relación clasificada de los gastos que se presenten como xustificante de l'actividá subvencionada.
-Una relación detallada d'otros ingresos o subvenciones que financiaren l'actividá subvencionada con indicación del importe y procedencia, y aplicación de esos fondos a les actividaes subvencionaes.
Los documentos orixinales de les factures y demás documentos van presentase nel departamentu Intervención del Conceyu de Carreño.
Nel casu de que l'importe de la subvención concedía sía inferior o igual a 3.000.- €, nun se van presentar los orixinales de les factures o documentos xustificativos del gastu y el Conceyu de Carreño va poder comprobar los xustificantes qu'envalore oportunos, pudiendo solicitar la presentación de los orixinales de los gastos subvencionaos pol Conceyu y expedíos na forma llegal.
Pa ello, la entidá beneficiaria queda obligada a curiar, por un plazu mínimu de 4 años dende'l momentu del vencimientu del plazu pa presentar la xustificación, los xustificantes acreditativos de los gastos xeneraos pa la realización del proyectu o actividá subvencionaos.
Certificaciones de tar al corriente nel cumplimientu de les obligaciones tributaries y cola Seguridá Social emitíes polos órganos competentes, nel casu de que la cuantía de la subvención supere los 3.000.-€.
más información >>
más información >>
Albandi
