Carreño vuelve a acoyer una prueba puntuable pal Campeonatu d'Asturies de Rallysprint el 20 y 21 de setiembre del 2019.

Esta cita deportiva, entamada, una vegada más, pola escudería Candás Competición que tien el sofitu y el patrociniu del Ayuntamientu de Carreño y la Federación de Automovilismo del Principáu d'Asturiae, naz fai tres años cola idea de poner al Conceyu nel mapa automovilísticu.

L'actu de presentación, de les novedaes de la III edición del Rallysprint de Carreño, celebróse  na tarde d'esti pasáu sábadu 24 d'Agostu, nun conocido restorán de la parroquia de Prevera muy lligáu a esta disciplina deportiva. En representación del Ayuntamientu de Carreño y acompañando al Presidente de la entidad organizadora, Félix Sánchez Castellano, acudieron les conceyales Paula Cuervo, responsable del área de Festexos y María Rosa Nodar, conceyala de Turismu.

Ente les novedaes d'esta tercera edición hai que destacar que nun sólo ye una prueba puntuable para el Campeonatu d'Asturies de Rallysprint, si non que n'esta edición tamién va ser puntuable pal “Desafío Ecomodular”. Otra de les novedaes va ser el tramu del perecorríu cronometráu. Aunque se sigue cola denominación del mesmu “El monte-Sidra Peñón”, n'esta edición el percorríu varia, aumentando  los kilómetros de tiempu cronometráu y los kilómetros d'enllaz.

La prueba va desenvolvese peles parroquies de Llorgozana, Perlora y Albandi. Esta divídese n'una etapa con tres secciones. Con un percorríu total de 77,65 km, de los que 37,41 km van ser tramos cronometraos. Toos estos disputaránse sobre una superficie asfaltada, con una llargor caún d´ellos de 12,47 km.

El desenvolvimientu de la prueba va tener lugar en dos días. El viernes 20 de setiembre con la salida protocolaria a les 19:30 h, na que pilotos participantes van ser presentaos y van faer ruxir los motores de los sos coches por la cais de candás p'allantar al públicu asistente. Mientres que la competición en va aniciar a partir de les 10:00 h de la mañana del sábadu 21 de setiembre, y va rematar a les 17:30 h. Siendo los horarios de las tres pasaes los siguientes: 10:58h, 13:35h y 16:57.

Los ganadores de les dos ediciones del Rallysprint de Carreño fueron:

• 2017 Jairo Suárez-Alba Suárez a bordu de BMW M3

• 2018 Oscar Palacio-José Luis Sánchez a bordu de Ford Fiesta R5

El númberu de places disponibles para participar na III edición del Rallysprint de Carreño ye de 90. El plazu pa inscribise na competición remata´l llunes 16 de setiembre, pa ello aquelles persones que deseyen participar deberán faelo al traviés de la páxina web: www.fotomotor.es , rellenando los formularios que ellí van encontrar.

Pa más información sobre la III edición del Rallysprint de Carreño puede consultase el siguiente enllaz: http://www.candascompeticion.com/