400 neños y neñes desenvolvieren la
so actividá deportiva nes 8 escueles deportives impulsaes dende'l
Patronatu deportivu municipal “Vicente López Carril”.
El Patronatu Deportivu Municipal coles
mires de fortalecer la práctica deportiva ente la ciudadanía del
conceyu, lleva más de trés décades texendo relaciones de
collaboración coles distintes entidaes deportives, asina naquella
primer edición el Club Náuticu Carreño, Los Gorilas, el Club
Victoria de Perlora y la Escuela de Ciclismu de Carreño, que
surdió del grupu ciclista Candás, fueron pieces clave a la de poner
en marcha les Escueles deportives que güei esfrutamos y pueden
considerase toa una institución.
Un añu más, nes instalaciones
deportives de Candás van participar unos 400 neños y neñes que
desenvolvieren la so actividá deportiva alredor de les 8 escueles
deportives (Axedrez, Atletismu, Balonmanu, Ciclismu, Futbito,
Ximnasia Rítmica, Piragüismu y Voleibol), más la guardería
deportiva.
Ente los asistentes a la presentación
d'esta nueva edición de les Escueles y guardería deportives taba'l
nuevu conceyal de deportes, Roberto Bueno. El conceyal -que s'estrenó
cola so primer intervención pública nesti actu - nun quixo
restar protagonismu a los y les deportistes, asina que nuna breve
salutación recordó-yos la importancia de respetar cualquier
disciplina deportiva y que los valores que cola so práctica
adquieren, y l'amistá que cultiven colos sos compañeros y
compañeres, yera, xuntu colos vezos saludables, el gran premiu que'l
deporte diba regala-yos nes sos vides. Tamién recordó l'a
importancia y relevancia que tien faer polítiques municipales, que
fomenten y sofiten les actividaes deportives nel nuesu conceyu.
Responsables de los clubes y entrenadores diéron-y la bienvenida al
cargu.
Darréu'l conceyal siguió in situ
viendo parte del entrenamientu del equipu de voleibol del Club
Náutico de Carreño, recordando los sos años de xugador que
practicó esti deporte.
El deporte volvió ser protagonista,
una vegada más en Carreño, al igual que lo foi'l día 7 de
setiembre cola salida de la vuelta ciclista a España.
Albandi
