Dientro del Conveniu de financiamientu del Plan Alcordáu de
Prestaciones Sociales Básiques robláu pol Principáu d'Asturies y
el Conceyu de Carreño pal exerciciu 2018, contémplense les ayudes
pal pagu de suministros enerxéticos por importe de 22.050 euros pal
añu en cursu.
“La probeza enerxética ye una consecuencia más de la grave
crisis social y económica que tuvimos careciendo. Defínese como
aquella situación que sufren los llares que los sos miembros son
incapaces de pagar una cantidá de servicios de la enerxía abondos
pal pagu de les sos necesidaes doméstiques y/o vense obligaos a
destinar una parte escesiva de los sos ingresos al pagu de la factura
enerxética de les sos viviendes” avanzó Paula Cuervo,
Conceyala de Bienestar Social.
“Amás del compromisu políticu necesariu p'atender estes
necesidaes dellos son los estudios que respuenden por la necesidá
d'esta convocatoria d'ayudes. asina por casu l'informe de
l'Asociación de Ciencies Ambientales (ACA) fala de dellos millones
de persones con enormes dificultaes pa faer frente al recibu de la
lluz a la fin de mes, teniendo de dar prioridá o escoyer ente
qué cuestiones básiques de subsistencia, bien xuníes al
desenvolvimientu d'una vida digna, pueden dexase o cuálos non. A
ello hai que suma-y el datu que facilita'l INE na encuesta de
condiciones de vida, que señala qu'el 9% de los llares del nuesu
país nun pueden caltener la so casa a una temperatura fayadiza,
colos riesgos qu'ello porta especialmente pa les persones más
vulnerables como son la población infantil, la tercer edá o les
persones enfermes” - prosiguió la concejala.
“Frente a les situaciones de vulnerabilidá esisten distintos
allugamientos, mirar a otru llau o adoptar midíes estructurales como
les tomaes nel consistoriu carreñense, col ánimu de desaniciar
situaciones dramátiques. L'oxetivu ye sofitar a persones con escasos
recursos económicos nel pagu de los recibos de lluz, gas, carbón o
lleña, o cualquier elementu rellacionáu cola enerxía” -
señaló Cuervo.
La convocatoria d'estes Ayudes al Suministru Enerxéticu, que van
poder solicitase a partir d'esti xueves, 4 d'ochobre, siempre y
cuando cumplan colos siguientes requisitos:
–Tar empadronaos/es en Carreño nel momentu de la solicitú.
–Esistencia de factures de gas, lluz, o otres enerxíes (carbón,
lleña, gasoil…) nel añu 2018.
–Los ingresos de la unidá convivencial nun van poder superar los
siguientes ingresos (1,2 vegaes el IPREM ponderáu 2018):
|
Miembros de la unidá familiar |
Máximu d'ingresos mensuales (ingresos añales prorrateaos por
12 mensualidades) |
|
1 ó 2 miembros |
835,51 € |
|
3 |
879,48 € |
|
4 |
928,34 € |
|
5 |
982,95 € |
|
6 ó más |
1.044,38 € |
A la de la valoración de les solicitúes van tener en cuenta amás
de los ingresos de la unidá familiar van computase toles
ayudes percibíes por otros conceutos (ayudes d'emerxencia, probeza
infantil, ayudes d'arriendu, etc.). Concediéndose un máximu de 500
€ por solicitú y añu.
El plazu de solicitú de les ayudes va ser dende'l xueves 4
d'ochobre hasta'l miércoles 31 d'este mesmu mes. Les solicitúes van
presentase nel Centru de Servicios Sociales de Carreño (c/ Nicanor
Pinole, 1.- Candás) del 4 al 31 d'ochobre de 2018, siendo
necesariu solicitar cita previa, allegando al citáu Centru o al
traviés del númberu 985870535.
Toles solicitúes tendrán de presentase nel modelu oficial de la
convocatoria. Xuntu cola siguiente documentación:
–Les autorizaciones de toles persones que formen parte de la unidá
familiar pal pidimientu de datos a otres alministraciones.
–Copia de les factures de los suministros enerxéticos del añu
2018.
–Xustificantes d'ingresos de xineru a setiembre de 2018 de tola
unidá familiar (nómines, prestaciones per desempléu, etc.).
Albandi
