La próxima selmana va celebrase'l Día
de la Biblioteca y festexaráse con trés actos , el primeru va tener
llugar el llunes 22 d'ochobre , los protagonistes van ser les
persones usuaries del Centru de Sofitu a la Integración de Carreño
, lleva por títulu “La biblioteca encantada” y de xuru va haber
dalguna pantasma, vampiros y otros seres fantásticos.
El día 24 d'ochobre (Día de la
Biblioteca) vamos aprovechar la celebración pa presentar una
actividá que naz de la collaboración ente'l CDTL C@rreño Digit@l,
la Biblioteca Municipal y el Club de Llectura de la mesma y
qu'esperamos tenga continuidá nel tiempu yá que trátase d'un
audiolibro del cuentu “Boroña” de Leopoldo Alas “Clarín”
grabáu poles voces d'integrantes del Club de Llectura. La intención
ye siguir con más cuentos d'esti autor tan amestáu a Carreño y que
estos audiolibros sirvan de complementu a les rutes clarinianes yá
esistentes.
Próximamente “Boroña” va tar
disponible nuna plataforma de audiolibros gratuitos como va informase
na presentación: Día 24 d'ochobre a les 19 hores na
Biblioteca.
Y d'últimes el sábadu 27 d'ochobre y
como iniciativa del Club de Llectura va visitase Uviéu pa
recrear la ruta lliteraria de La Rexenta tamién de Don Leopoldo Alas
“Clarin” y hasta ye posible que los acompañen Ana Ozores y el
Maxistral.
Albandi
