Les Escueles de Llorgozana foi l'escenariu escoyíu pola Fundación “El Pájari Azul” y l'Asociación de Muyeres Rurales “Nosotr@s” pal alcuentru de muyeres con Mme. Berthé na tarde del vienres 23 de noviembre.
Esti alcuentru enmárcase dientro del proyectu de sensibilización de la Fundación Nueves Oportunidaes pal empoderamientu de les muyeres que trata de promover alcuentros ente asociaciones de muyeres y la malinesa col enfotu de provocar l'intercambiu d'esperiencies y nes que les muyeres asturianes conozan les condiciones de vida de les muyeres n'África y les víes de que disponen pa la so empoderamientu.
Mdme. Berthé (Maïmounatou Altini Yattara) provien de Malí, ye inxeniera Agrónoma y conferencista del Institutu Politécnicu Rural pa la Investigación y Capacitación Agrícola en Mali.
Dende'l términu de los sos estudios participó en contribuyir a la promoción de les muyeres rurales al traviés del sofitu, asesoramientu y capacitación siendo parte activa na llucha contra la probeza na so zona.
Tres los sos estudios d'Agronomía siguió formándose nel so campu y continua col doctoráu, la so investigación céntrase nel empoderamiento de les muyeres rurales en relación cola economía social y solidaria, para d'esta forma analizar meyor la situación de les muyeres nes zones rurales de Malí y xenera conocencies favorables pal so plenu desenvolvimientu.
Mdme. Berthé, collabora con diverses ONG’s ente les que s'atopen Medicus Mundi, asociación cola que'l Conceyu de Carreño tuvo collaborando dende va dellos años, cofinanciando proyectos empobinaos principalmente a la Salú, Mediuambiente y l'Educación:
▪ 2015 “Sofitu Nutricional pa neños/as menores de 6 meses”. (2.669,15€)
▪ 2016 “Formación medioambiental na comuña de Guagniaka” (2.355,20 €)
▪ 2017 “Cultivu de la Moringa, pa la meyora de les condiciones de Salú y Medioambientales na Comuña de Gouandiaka “ (2.636,054€)
▪ 2018 “Sofitu educativu en Malí (2.004,21€)
Cola Fundación El PájaroAzul, una de lesorganizadores del alcuentru, les collaboraciones ente esta asociación y el nuesu Conceyu son de fai poco tiempu, anque esperamos que sían igual de duraderes, la nuesa collaboración empieza en 2017, añu que nel Conceyu de Carreño cofinancia'l proyectu presentáu pola fundación “Promoción d'espacios formativos pa la población Infantil y xuvenil de la ciudá de Kinshasa” (2.505,878€) y este mesmu añu col proyectu “Rehabilitación del teyáu del centru de neños de la cai, Bana yá Poveda.” (1.976,23€) que'l so estáu pon en peligru'l caltenimientu del centru y, poro, el caltenimientu de la xera de cuidos y educativa colos menores de cara a la so reinserción.
Albandi
