Estos díes rematen les obres de reforma de los aseos y de la rampla d'accesu del Colexu Poeta Antón, lo que va convertir al centru educativu nuna instalación al 100% accesible pa tola comunidá educativa.
“Nel añu 2017 el Conceyu de Carreño contrató la ellaboración d'un estudiu pa faer del edificiu qu'alluga al Colexu Poeta, un edificiu eficiente dende'l puntu de vista enerxéticu y accesible. Col que ameyorar y modernizar el so aspeutu esterior y apurrir a les persones usuaries un confort interior, garantizando bones condiciones d'aprendizaxe del alumnáu, según faelo accesible. Nes conclusiones del mesmu proponíen la realización d'una serie de midíes distribuyíes en cuatro fases. Les obres de meyora que rematen estos díes tan na fase0 “Meyora de l'accesibilidá”, qu'incluyía 3 xeres: la instalación d'un ascensor, sustitución de la rampla d'accesu y adaptación de los baños” esplicó Cecilia Tascón-Conceyala d'Urbanismu y Accesibilidá.
“Una vegada cuntamos col diagnósticu técnicu presentóse a la Conseyería d'Educación del Principáu d'Asturies coles mires de que les dos alministraciones trabayáramos conxuntamente y dotar al centru de les meyores necesaries. Llegamos a un alcuerdu por aciu el cual el Conceyu de Carreño foi la entidá encargada de la realización de los proyectos técnicos ente que la Conseyería encargóse de la execución de los mesmos destinando una partida económica cercana a los 90.000 € pa la realización de les obres d'accesibilidá” señaló la Edil.
El Colexu Poeta Antón” asiítiase sobre un edificiu exentu de forma rectangular asitiáu nuna parcela con un desnivel pronunciáu ente la fachada principal, escontra'l nordés y la fachada trasera, esta topografía fai que l'edificiu cunte con una planta semisótanu que dota al edificiu de cuatro plantes na so fachada posterior ente que tien solo trés altores na fachada principal. Caúna de les plantes entámase alredor d'un patiu central con dos escaleres de trés tiros con un buecu central caúna d'elles de dimensiones 1,10 metros d'anchu y 1,85 de fondu.
“Esta circunstancia plantegó importantes dificultaes d'integración a les persones usuaries del Centru que, bien de forma transitoria, o bien permanentemente, cunten con dalgún tipu de discapacidá física. D'ende'l compromisu de dambes alministraciones pa dotar al Centru d'un ascensor que rompiera esa barrera arquitectónica. Polo que'l branu del 2019 llevóse a cabu les obres necesaries pa la instalación del mesmu, destinando pa ello 50.000€” comentó Tascón.
“Al empar que se dotó al Colexu d'esta infraestructura siguió trabayándose nel proyectu del bañu afechu, una y bones l'edificiu escarecía del mesmu, y de la rampla esterior. Proyectándose la meyora de dos de los aseos esistentes. Les obres actuales entienden la reforma de los dos aseos de la planta baxa p'afaer el so usu a los neños y les neñes d'infantil, según executar un aséu accesible nesta planta al que s'apuerta directamente dende l'espaciu de circulación xeneral. D'esta manera, l'aséu va poder ser utilizáu por persones de dambos sexos” prosiguió la Conceyala.
“Complementando esa obra sustituyó l'actual rampla d'accesu dende l'esterior al espaciu porticáu por otra rampla que cumpla coles determinaciones del decretu d'accesibilidá, según la execución d'un vau na cera perimetral al edificiu, que dexe l'accesu a esta nueva rampla dende la zona del aparcamientu, pa faela accesible pa toes aquelles persones con movilidá amenorgada” remató la Responsable de la Área.
El total d'estes dos últimes intervenciones, reformes de los baños y sustitución de la rampla d'accesu, dan per rematáu les obres incluyíes na fase 0 del proyectu pa la Eliminación de Barreres Arquitectóniques y Rehabilitación Enerxética”. Que'l so importe xubió a 37.000€.
Pero esta nun foi la única acción, incluyida nel Proyectu, qu'a lo llargo d'anguaño realizóse nel Colexu Poeta. Llevándose a cabu les obres necesaries p'acometer la Fase1 “Meyora del Llume”. Dende'l Serviciu eléctricu d'Obres sustituyeron los casi 500 fluorescentes de 36W por lluminaries de tecnoloxía led, de baxu consumu ya instaláronse sensores de movimientu nos pasiellos. Lo que supunxo una inversión solo en material de 7.000€ al faese'l cambéu con medios propios.
“Nel añu 2017 el Conceyu de Carreño contrató la ellaboración d'un estudiu pa faer del edificiu qu'alluga al Colexu Poeta, un edificiu eficiente dende'l puntu de vista enerxéticu y accesible. Col que ameyorar y modernizar el so aspeutu esterior y apurrir a les persones usuaries un confort interior, garantizando bones condiciones d'aprendizaxe del alumnáu, según faelo accesible. Nes conclusiones del mesmu proponíen la realización d'una serie de midíes distribuyíes en cuatro fases. Les obres de meyora que rematen estos díes tan na fase0 “Meyora de l'accesibilidá”, qu'incluyía 3 xeres: la instalación d'un ascensor, sustitución de la rampla d'accesu y adaptación de los baños” esplicó Cecilia Tascón-Conceyala d'Urbanismu y Accesibilidá.
“Una vegada cuntamos col diagnósticu técnicu presentóse a la Conseyería d'Educación del Principáu d'Asturies coles mires de que les dos alministraciones trabayáramos conxuntamente y dotar al centru de les meyores necesaries. Llegamos a un alcuerdu por aciu el cual el Conceyu de Carreño foi la entidá encargada de la realización de los proyectos técnicos ente que la Conseyería encargóse de la execución de los mesmos destinando una partida económica cercana a los 90.000 € pa la realización de les obres d'accesibilidá” señaló la Edil.
El Colexu Poeta Antón” asiítiase sobre un edificiu exentu de forma rectangular asitiáu nuna parcela con un desnivel pronunciáu ente la fachada principal, escontra'l nordés y la fachada trasera, esta topografía fai que l'edificiu cunte con una planta semisótanu que dota al edificiu de cuatro plantes na so fachada posterior ente que tien solo trés altores na fachada principal. Caúna de les plantes entámase alredor d'un patiu central con dos escaleres de trés tiros con un buecu central caúna d'elles de dimensiones 1,10 metros d'anchu y 1,85 de fondu.
“Esta circunstancia plantegó importantes dificultaes d'integración a les persones usuaries del Centru que, bien de forma transitoria, o bien permanentemente, cunten con dalgún tipu de discapacidá física. D'ende'l compromisu de dambes alministraciones pa dotar al Centru d'un ascensor que rompiera esa barrera arquitectónica. Polo que'l branu del 2019 llevóse a cabu les obres necesaries pa la instalación del mesmu, destinando pa ello 50.000€” comentó Tascón.
“Al empar que se dotó al Colexu d'esta infraestructura siguió trabayándose nel proyectu del bañu afechu, una y bones l'edificiu escarecía del mesmu, y de la rampla esterior. Proyectándose la meyora de dos de los aseos esistentes. Les obres actuales entienden la reforma de los dos aseos de la planta baxa p'afaer el so usu a los neños y les neñes d'infantil, según executar un aséu accesible nesta planta al que s'apuerta directamente dende l'espaciu de circulación xeneral. D'esta manera, l'aséu va poder ser utilizáu por persones de dambos sexos” prosiguió la Conceyala.
“Complementando esa obra sustituyó l'actual rampla d'accesu dende l'esterior al espaciu porticáu por otra rampla que cumpla coles determinaciones del decretu d'accesibilidá, según la execución d'un vau na cera perimetral al edificiu, que dexe l'accesu a esta nueva rampla dende la zona del aparcamientu, pa faela accesible pa toes aquelles persones con movilidá amenorgada” remató la Responsable de la Área.
El total d'estes dos últimes intervenciones, reformes de los baños y sustitución de la rampla d'accesu, dan per rematáu les obres incluyíes na fase 0 del proyectu pa la Eliminación de Barreres Arquitectóniques y Rehabilitación Enerxética”. Que'l so importe xubió a 37.000€.
Pero esta nun foi la única acción, incluyida nel Proyectu, qu'a lo llargo d'anguaño realizóse nel Colexu Poeta. Llevándose a cabu les obres necesaries p'acometer la Fase1 “Meyora del Llume”. Dende'l Serviciu eléctricu d'Obres sustituyeron los casi 500 fluorescentes de 36W por lluminaries de tecnoloxía led, de baxu consumu ya instaláronse sensores de movimientu nos pasiellos. Lo que supunxo una inversión solo en material de 7.000€ al faese'l cambéu con medios propios.
Albandi
