Esta selmana, nel marcu de les acciones preventives qu'inclúi'l plan municipal de drogues que cofinancia la Conseyería de Sanidá del Principáu, empecipióse una nueva programación formativa de "Cocina Saludable”.
“Al traviés del Plan municipal de Drogues” , el Conceyu de Carreño desenvuelve, ente otres acciones de sensibilización , una serie de talleres pa la población infantil y Xuvenil del conceyu, según les sos families. Esti mes ye la vez de los talleres de Cocina Saludable, gratuitos empobinaos al alumnáu de 5º de Primaria y 1º de la ESO, amás d'a les families del Conceyu. Nesta acción, al traviés de la cocina, los neños y les neñes aprienden, d'una forma risondera, lo importante que ye tener una alimentación saludable, non yá pa prevenir enfermedaes como la diabetes o la obesidá infantil, si non tamién p'aprender unes pautes básiques na alimentación diario de la población infantil, necesaria por que rindan afechiscamente nes sos actividaes” comentó Roberto Bueno, Conceyal de Mocedá.
Les primeres persones que participaron nesta segunda edición fueron l'alumnáu de quintu de primaria del Colexu Poeta Antón de Marirreguera, que'l martes 27 y esti miércoles 28 de noviembre, treslladáronse n'horariu lectivu, a la Escuela de Sabores “La Llariega” (nel Regueral) pa participar nel Concursu-Taller de Tapes Saludables.
“Nesti Taller neños y neñes por aciu la diversión, crearon y aprendieron a cocinar aperitivos y tapes saludables. Nuna primer parte recibieron un recetario onde se-yos esplicó les característiques de los ingredientes y como ellaboralos. Na segunda entamóse un risonderu concursu por equipos, onde colos ingredientes y recursos disponibles ellaboraron unes tapes riques, orixinales y perfectamente saludables. Amás tuvieron qu'esplicar el nome de la tapa qu'escoyeron, en que s'inspiraron y los ingredientes qu'utilizaron” señaló'l conceyal.
Los siguientes Talleres que se van desenvolver, nel mes d'avientu, son:
• Concursu-Taller de “Cócteles ensin alcohol”, va celebrase'l 11 y 13 d'avientu nel IES de Candás, destináu escontra l'alumnáu de 1º de la ESO.
Nuna primer parte los y les participantes van aprender a realizar conocíos cócteles y bebíes refrescantes ensin alcohol. Dempués de lo que, va entamase un concursu nel que teniendo como base lo aprendío enantes y los ingredientes que se-yos va apurrir, xuntu cola so imaxinación ya inxeniu, tendrán de crear un nuevu combináu orixinal.
• Taller “Mañanes con enerxía, almuerzos saludables”, nel que l'alumnáu de 5º de primaria del Colexu San Félix va participar el 21 de diciembreen les instalaciones de la Escuela de Sabores “La Llariega”.
¿Qué puede contener un almuerzu saludable, ricu, nutritivu y rápido de faer? Siempres se dixo que l'almuerzu ye la comida más importante del día, polo que l'oxetivu d'esti taller ye que los y les participantes apriendan a realizar delles recetes d'almuerzos, tan sabrosos como nutritivos.
• Talleres de Cocina Saludables pa Families” van ser dos talleres que los sos destinatarios son les families. El concursu-taller “Tapes saludables” y “La Fruta colos 5 sentíos”. Nos qu'al traviés de los xuegos y actividaes producirá la interacción familiar, aumentando les nociones básiques d'alimentación sana y saludable, ampliando les conocencies sobre lo que ye una dieta nutritiva, la diferencia ente unos alimentos y otros, y l'importancia de consumir frutes.
Pa estos últimos talleres en “familia” que se van llevar a cabu esti próximu sábadu, 1 d'avientu, na Escuela de Sabores “La Llariega” va ser necesariu inscribise,. Pa ello abrióse un plazu de matrícula dende'l 26 al 30 de noviembre, dambos inclusive. Esta inscripción va poder faese de dos formes:
• Presencial. Allegando a la Oficina Joven Cabo Peñes allugada nel Edificiu Polivalente “La Baragaña” en Candás los llunes y vienres de 9:00 a 14:00h y miércoles de 9:00 a 14:00 hores y de 16.00 a 17:00 hores.
• On-line. Unviando corréu electrónicu a oij@mcabop.com
Pa más información puede consultase la páxina web municipal www.ayto-carreno.es/evento, onde tán disponibles pa la so descarga les fiches d'inscripciones y tola información relativa a los horarios, y llugares d'esta II edición de “Talleres de Cocina Saludable”
Albandi
