Col fin de contribuyir a la formación integral del alumnáu universitariu, nos últimos años varios fueron los alcuerdos del Consistoriu con instituciones educatives, ente ellos hai que destacar cola Universidá d'Uviéu, la Escuela politécnica de Mieres, Escuela Cimera d'Arte del Principáu. d'Asturies, Fundación Metal, Institutu de Formación y Estudios Sociales d'Uviéu, Universidá #Rey Juan Carlos I de Madrid, UNED…
Frutu d'esos alcuerdos el Conceyu de Carreño vuelve ser entidá collaboradora cola Universidá d'Uviéu acoyendo al alumnáu del Grau de Pedagoxía na realización de les práctiques esternes de l'asignatura “Practicum” pa cursu académicu 2018-2019.
“Les práctiques esternes constitúin una actividá de naturaleza formativa realizada pol alumnáu universitariu y supervisaes pola Institución Académica, que'l so oxetivu ye dexar a estos y estes aplicar y complementar les conocencies adquiríes na so formación académica, favoreciendo l'alquisición de competencies que-yos preparen pal exerciciu d'actividaes profesionales, faciliten la so empleabilidá y fomenten la so capacidá de emprendimiento” comentó Cecilia Tascón.
“Practicum” ye xuna asignatura de práctiques esternes que se desenvuelve nel segundu cuatrimestre nel cuartu cursu del Grau de Pedagoxía. Ye de calter fundamentalmente prácticu y constitúi el momentu d'inmersión de la comunidá estudiantil de Pedagoxía nos contestos de trabayu reales cola cuenta de complementar la formación adquirida na Facultá
La duraciónde les práctiques esternes va ser un total de 240 hores estremaes en dos períodos: el primeru del 12 de noviembre al 14 d'avientu de 2018, ente que'l segundu del 22 de xineru al 22 febreru de 2019. Períodos nos que la persona en práctiques va incorporase al departamentu de Recursos Humanos.
“L'oxetivu fundamental d'esti programa educativu ye desenvolver les competencies profesionales de los pedagogos y pedagogues, reparando, analizando ya interviniendo na realidá cola tutela de profesionales y tutor/a académica qu'acompañen y emponen a la persona en práctiques mientres esti períodu, facilitándo-y l'establecimientu de relaciones ente los aprendizaxes realizaos na Facultá y la práctica, y de dotar de sentíu a los conteníos teóricos-prácticos de les asignatures del títulu” - prosiguió Tascón
“La renovación del nuesu alcuerdu cola Universidá asturiana súmase al robláu cola Universidá Juan Carlos I de Madrid o cola UNED, ampliando'l nuesu compromisu cola empleabilidá y la formación del alumnáu universitariu. La máxima empleabilidá de los titulaos/es nun puede ser posible ensin el compromisu, la collaboración y el trabayu d'instituciones como'l Ayuntamientu de Carreño” - remató la conceyala de Recursos Humanos.
Albandi
