Esti domingu, día 23 d'Avientu, a les 11 h. na cafetería del centru polivalente “La Baragaña” va realizase un Alcuentru poéticu con Magdalena Sánchez Blesa.

La poetisa nació en Puerto Lumbreras (Murcia) en 1970, estudió Filoloxía Hispánica y Arte Dramático, ye amás Actriz y productora de Cine, rexenta un restorán y amás de too esto ye Poeta, publicó cuatro llibros hasta la fecha “Cosas de Niña”, “Yo Contra el mío”, “nana para dormir a mis abuelos” y “Instrucciones a mis hijos”.

Escribe dende los ocho años, cuando perdió al so padre y esta foi la manera que tuvo pa enfrentase a ello nesos momentos.

Magdalena saltó a la fama cuando grabó un video recitando'l so poema “Instrucciones a mis hijos” y el videu viralizóse, anque yá grabara dalgún otru videu de gran repercusión nes redes esti foi'l que más s'estendió, agora ye conocida inclusive en Suramérica, tamién comparte con  siguidores en Facebook les esperiencies, dende un puntu de vista lluchador, que'l cáncer de mama fíxo-y travesar, contra'l qu'engarró y venció.

Güei presenta los sos llibros y ufierta recitales por toa España, y esti domingu faese espresamente en Candás, onde va tener un alcuentru coles persones aficionaes a la llectura, les asociaciones de Muyeres del Conceyu y colos Clubes de Llectura.