Esti sábadu 29 d'avientu empieza una nueva Ronda de Teatru por Carreño 2018-2019, yá na so XIV edición. Van ser 10 de tardes de teatru, tonada y monologuismu.

La presentación d'esti programa cultural añal tuvo llugar nel Salón de Plenos del Ayuntamientu de Carreño cola presencia de representaciones de les entidaes vecinales y teatrales participantes xunto cola Alcaldesa de Carreño, Amelia Fernández y la Conceyala de Cultura Cecilia Tascón.

“La cultura faémosla toos y toes. Pollo, el gobiernu local esfuerze'n impulsala en tou el territoriu. La misión ye llevar arte y cultura tamién a la zona rural. N'una llínea de trabayu al traviés de la cual tamos apostando pola descentralización de los servicios públicos y por supuestu de la cultura. Una llínea cola que preténdese conseguir un accesu de toa la ciudadanía, en igualdá de condiciones, a unos servicios públicos de calidad. Una forma de entender la sociedá na que unu/a nun tien que desplazase de la so redolada p'asistir a una función teatral, sino que ye la actividá la que se desplaza a la so redolada, hasta los Centros Sociales de las Parroquies” comentó Cecilia Tascón-Conceyala de Cultura.

“Teatru, poesía, música, talleres, charres, cursos y esposiciones son dalgunes de les acciones que pa averar la cultura a toos los rincones del Concejo venimos deseenvolviendo conxuntamente col vecinderu. Una xunión de sinerxies, positives, ente les asociaciones vecinales, la ciudadanía y los Grupos de Teatru, n'esti casu, nel que se pon en valor la importancia y el valor de estos alcuentros culturales como una forma de dinamización de la sociedá” señaló la edil.

Las rises, lloros, amoríos, alcuentros, desalcuentros, reconciliaciones,… van percorrer les parroquias del Conceyu pa finalizar el cueves 2 de mayu de 2019 na comunidá terapéutica de Proyecto Hombre en La Piedra-Candás.

Estes representaciones teatrales surxen del alcuerdu de collaboración ente l'Ayuntamientu de Carreño y tres asociaciones asturianes: Federación de Grupos de Teatru Amateur d'Asturies, FETEAS; l'Asociación d'Interpretes del Cantar Asturianu, AICA; y la Asociación Cultural del Cantar Asturianu Narcea. Tamién, de la collaboración del Ayuntamientu y les entidaes teatrales del Conceyu, el Grupo de Teatru “Xana” de Perlora y “Les Ayalgues” de Carreño.

“N'esta XIV edición de la Ronda de Teatru por Carreño vamos poder esfrutar de los y les premiaes nes postreres ediciones de los Premios Aurora que añalmente concede el Salón de Teatru Costumista de Candas. Vamos empezar en Llorgozana col grupu de teatru Carbayín so la dirección de José Ramón Oliva, premiu Aurora a la meyor dirección; “Superpepín” la obra del GT el Hórreo va tar en Tamón, Premiu Aurora del Públicu; pasando por el “GT La Farola” n'Ambás, premiu del públicu a la meyor función y meyor actor Chema Puerto pola obra “La magia de la primera vez”en el 2017; Pili Ibaseta, Manuel F. Rodriguez y Armando Felgueroso, premios Aurora a la Meyor actriz principal, actor principal y secundariu, respectivamente, van tar nel escenariu del Pabellón Braulio Suárez de Perlora cola Compañía Asturiana de Comedies; mientres que Diana González, premiu a la meyor actriz secundaria, va faer lo mesmu col so grupu, Santa Bárbara, na última función nel Centru Terapéuticu de Proyecto Hombre; en Carrió van tar los galardonados col Aurora al meyor maquillaxe y vestuariu, GT de Valdesoto; y en Prevera los ganadores, GT Padre Coll, al meyor decoràu ya iluminación. Tou n'un intentu de llevar el meyor teatru a toos los rincones del Conceyu” finalizó la Concejala de Cultura-.

Toes les representaciones van tener llugar a les 19:00 hores nos Centros Sociales de las Parroquies. La entrada de baldre gratuita hasta completar aforu.

La primera de les funciones va tener llugar nes Escueles de Llorgozana el 29 d'Avientu a partir de les 19:00 hores, cola obra de José Ramón Oliva, “Tú, Yo y el Vecín” del Grupu de Teatru Carbayín y con José Antonio González ”Cantu la Vara”, acompañáu a la guitarra de Juanin de la Torre “Noreña”.