Rodando contra'l cáncer y sopelexando exemplos de superación

Esti fin de selmana, nel puertu de Candás, celébrase la V concentración entamada por HDC Ástur. Más de 300 moteros y moteres rexuntáronse na capital del conceyu de Carreño. Cita motera que tien calter solidariu en sofitu a llucha contra'l cáncer. 

Esti Sábadu, pela mañana por razones de seguridá y ante l'agua la organización vióse obligada a suspender la salida prevista coles motos.

L'eventu de fin de selmana, a pesar de la climatoloxía adversa, ta siendo tou un ésitu. 

Na mesa d'esta tarde, "Aventura en Moto" (Contra'l Cáncer de Mama), intervinieron, a partir de les 17:30 h: 

- Andrea González, capitana del Candás Rugby Club. La cuál cuntó la so esperiencia como muyer nun deporte tradicionalmente d'homes.

- Mari Lluz García Villaverde, enferma de Cáncer de Mama. Cuntó la so esperiencia y superación, diagnosticada fai 7 años y agora ye voluntaria de la AECC contra'l cáncer. 

- Judith Olaya. Motera, tamién carez de cáncer. Faló de deporte y superación. Practica ciclismu , piragüismu y running. Cuntó la so  esperiencia en moto, cruciando'l Sáhara en 10 díes. 

- Sonia Barbosa. Cuntó la so esperiencia como muyer nel mundu del deporte y conductora d'autobús. Fai viaxes en moto per distintos partes del mundu, tien un blog onde comparte los sos viaxes y aventures. Ye autora d'un llibru publicáu sobre'l so viaxe a Alaska.

Presentó l'actu Silvia, Secretaria de l'Asociación HDC Ástur y clausuró el mesmu la conceyala de Turismu, María Rosa Nodal. Nel mesmu y representando a la AECC asistió María Antonia Morales. Delegada en Carreño de dicha asociación contra'l cáncer.

Mientres tou'l fin de selmana en l'alcuentru moteru vienen recaldándose fondos pa la llucha contra'l cáncer. Les camisetes de color rosa que se mercaron tuvieron bien bona acoyida quedando les últimes unidaes. Gracies a la solidaridá d'esta iniciativa tán recaldándose fondos  pa poder siguir ayudando a más persones na so llucha contra'l cáncer. 

A les 20 hores, tuvo llugar baille y conciertu con "Viajeros del Swing". A medianueche la música de "Rock&Roll Hall of Fame" del club HDC Ástur.

Esti domingu remata la concentración y celebraciones con:

12:00 h. Conciertu 
14:30 h. Comida Popular 
17:00 h. Actividad ENTRA NA MELÉ y conciertu 
23:00 h. Clausura