Xunta informativa polilla guatemalteca de la pataca

El conceyu de Carreño ta declaráu zona tampón de la Polilla Guatemalteca de la Pataca, qu'afecta al Principáu d'Asturies dende fai unos 2 años.

En concluyendo la temporada de cultivu de pataca nos conceyos declaraos como zona tampón,  ye necesariu incidir de nuevu ya informar a tol vecinderu que cultivaren  pataca sobre la importancia de realizar un siguimientu refechu del estáu fitosanitariu de los tubérculos almacenaos col fin de poder detectar de forma precoz posibles nuevos focos n'almacenes particulares de la plaga que nos ocupa.

Nel conxuntu de conceyor  zona tampón, les parceles de plantíu suponen un eleváu númberu y col fin d'evitar riesgos, ye bien importante informar al mayor númberu de persones posible.
 
A tal fin, el miércoles día 12 d'Avientu de 2018 a les 19 hores, ta prevista una xunta informativa monográfica nel CIR DE MONTE AREO n'ares a afondar más la información al vecinderu de Carreño sobre esta situación y pa concencia-yos que ye por demás importante qu'énte cualesquier mínimu barruntu de la presencia de la plaga avisen a la Conseyería de Desenvolvimientu Rural y Recursos Naturales p'actuar con rapidez y enzancar la so espansión pola Rexón.

La Charra informativa va impartila el responsable de plagues y llucha biolóxica del Llaboratoriu de Sanidá Vexetal de la Conseyería, Efrén  Vigón Álvarez y va tratar sobre:

    Xeneralidaes sobre la plaga.
    Ciclu de Tecia Solanivora.
    Información sobre la Zona Demarcada na actualidá.
    Información sobre captures realizaes.
    Midíes de prevención en cultivos.
    Midíes de prevención n'almacenes.
    Productos fitosanitarios autorizaos n'almacenes.
    Información sobre'l control del movimientu de la pataca producida na Zona tampón.
    Formatu de pasaporte fitosanitariu pal casu de la comercialización de pataca producida en zona tampón.
    Distintos daños nos tubérculos que pueden detectase mientres el so almacenamientu.