El gobiernu local caltuvo sesiones de trabayu col movimientu vecinal de la zona en visu a unificar criterios pa concretar el proyectu de zarru perimetral de la pista multideportiva cubierta que da serviciu a les parroquies de Quimarán y El Valle y l'ampliación del almacén esistente na edificación que va sirvir d'atroxu y auxiliu a les entidaes qu'entamen festexos na zona.

El proyectu técnicu yá ta peracabáu. El presupuestu base de llicitación de les obres necesaries xube a 254.724,70 € IVA incluyíu con un plazu d'execución previstu de 4 meses desque se roble l'acta de replantego de les obres cola empresa que resulte axudicataria de les mesmes.

“De resultes de los alcuerdos adoptaos en base al últimu procesu de Presupuestos Participativos tresmitióse a la Oficina Técnica Municipal la necesidá de dar en proyectar les obres en visu a dar en llicitales, axudicales y executales. L'arquiteutu técnicu municipal, Santiago Hernández, dio-y forma a la propuesta vecinal pa faer un zarramientu perimetral aprovechando los elementos esistentes como referencia y soporte físicu pa la so disposición. A la de realizar l'encargu vióse la necesidá de disponer d'un disponer d'un graderíu frente al escenariu esistente p'allugar al públicu” – esplicó Amelia Fernández, Alcaldesa de Carreño.

Conceptualmente y col fin d'aprovechar la lluz natural el zarru proyectáu va disponer d'un tramu opacu sofitáu sobre'l pavimentu constituyíu por fábrica de bloques prefabricaos de formigón llixeru de 15 cm. d'espesura dispuestos sobre la cimentación de la edificación enriba del que se propón una banda tresllúcida que dexe la entrada de lluz natural del esterior. Dicha fábrica va executase pa quedar vista na so cara interna en visu a ameyorar les condiciones acústiques del local, dada l'apreciable porosidá que presenta ente que la cara esterior va acabase con morteru monocapa con acabáu ralláu finu. Va Disponer d'un zócalo de piedra caliar na so cara esterior col fin d'evitar mugores de capilaridá provenientes de l'agua que pueda atropase na base de la fachada.

“Sobre'l zarramientu va disponer d'una zona tresllúcida con un altor de 1,60 m. aprosimao. Esti zarramientu va resolvese con plaques en greca de poliéster reforzáu con fibra de vidriu autoextinguible. Van Ser montaes sobre un bastidor metálicu d'aceru galvanizáu en caliente. Dichu bastidor va montase in-situ sobre la estructura metálica esistente y pa la fixación de les plaques tresllúcíes van siguise toes los encamientos del fabricante, atornellaráse nel valle de les greques emplegando xuntes de estanqueidad. Dada la fraxilidá que presenten les plaques tresllúcíes frente al posible impactu de balones y/o pelotes que s'empleguen nes actividaes deportives que se van desenvolver nes instalaciones, previose reutilizar los paneles de baniella d'aceru esistente, incorporando en casu necesariu los paños necesarios hasta cubrir tola superficie, afitándolos sobre los bastidores metálicos antes citaos. Col fin de nun llindar l'espaciu destináu a les actividaes deportives optóse por disponelo remaneciendo de l'alliniación de la fachada nordeste polo que dada la topografía del terrén circundante va quedar semienterráu” – añedió Fernández.

“Previéronse disponer d'otres dos puertes de cara a la evacuación d'ocupantes. Asina mesmu prevese disponer otra puerta pa cerrar el buecu d'accesu al escenariu y una postrera pa poder aportar a caltener l'espaciu que se confinará na zona Sur de la pista, ente la escollera y les fachaes previstes. Y de cara al posible accesu de vehículos al interior de la cortil, cara a la organización d'actividaes vecinales y festives qu'asina lo precisen, va disponese d'un portón d'unos 4,00 m. d'anchu con sistema manual d'apertura en chapa d'aceru prelacáu con estructura y marcu perimetral d'aceru acabáu igualmente lacáu. Y con el fin de garantizar les condiciones d'accesibilidá a persones con discapacidá previose que les entraes a los espacios xeneraos tengan un anchor llibre mínimu de 80 cm.” – añedió l'Alcaldesa.

“Nestes obres plantegaráse l'ampliación del almacén esistente enllargando l'edificiu que lu alluga en dirección nordeste aprovechando l'espaciu delimitáu por un bordiellu empotráu nel pavimentu. Dicha ampliación implica la eliminación de la fachada (muriu de carga) a la que va adosar col fin de disponer d'un espaciu lo más diáfanu posible pal usu de les comisiones de festexos de la zona “El Pegoyu” de Quimarán y COFEVA d'El Valle” – afirmó l'Alcaldesa.

“Col proyectu consensuao y validao pa dar na so llicitación va llevase a plenu'l proyectu técnicu p'aprobar el so financiamientu 254.724,70 € iva incluyíu con cargu a les partíes económiques d'instalaciones deportives y plan integral de la zona rural. Confiamos que la propuesta vecinal d'estes dos parroquies llogre los sofitos políticos necesarios pa la so aprobación nel próximu Plenu” – concluyó Fernández.