Varies y variaes son les asociaciones
ensin ánimu d'arriquecimientu del conceyu que, a lo llargo d'estos
años, vienen faciendo y faen usu de les instalaciones que'l
Ayuntamientu de Carreño déxa-yos. Resultancia de dichos usos
intensivos van xenerándose necesidaes de caltenimientu y meyores,
tal ye'l casu de los locales del antigua SOFECA. Locales que'l
consistoriu tien arrendaos na Plaza de la Baragaña y que los sos
arreglos ta a puntu de rematar el serviciu municipal d'obres. Dichos
locales véncense gratuitamente yá sía como local d'ensayos,
d'oficina, pa la preparación d'actividaes culturales-deportives, pa
guardar materiales,… y úsense asiduamente pol “El Coro de la
Bodega”; el coru “Nordeste”; el Grupu de Baille “San Félix”
de Candás; les asociaciones deportives “Club Atlético Ocle” y
el “Club Ajedrez Candás”, ente otros.
“Ente les meyores a realizar del
local atopabase la retirada del suelu de baldosa hidráulica
esistente, que presentaba deterioros, pa la so posterior sustitución
por gres. Mientres la retirada de dichu pavimentu y del so morteru
d'agarre, foi detectada un resquiebru na parte cimera del forxáu.
Polo que se solicitó la presencia de los Servicios Técnicos
Municipales p'analizala. Empecipiamos estes meyores a pidimientu
d'entidaes usuaries que nos treslladaron les necesidaes que víen”
señaló Onésimo Velasco-Conceyal d'Obres-.
“La primer midida tomada polos
técnicos municipales foi la de siguir cola retirada de too el
pavimentu y l'eliminación del so morteru d'agarre pa intentar
lliberar de pesu al forxáu. Y de siguío la paralización de les
obres del local, según los sos usos hasta nun disponer de preceptivu
Informe d'Evaluación” comentó'l conceyal.
“L'edificiu en cuestión ye una
edificación que data de 1950. Y nel que tres l'estudiu del proyectu
de construcción atopamos con que nun figura la composición del
forxáu nin la so dirección. Énte esta situación realizaronse dos
cates coles que pudo deducise que'l resquiebru ye paralelu a la
dirección de les vigues y que correspuende a un alcuentru entre
vigueta y bovedilla. Polo que, de resultes d'ello, la patoloxía
detectada presumiblemente ye atribuyible a una sobrecarga d'usu
escesivu del forxáu, como apunten y asina reflexen los informes
técnicos municipales” rellató Velasco.
“Una vegada esamináu l'informe
técnicu d'evaluación, realizóse un nuevu estudiu del estáu del
forxáu, nel que se repara l'ausencia d'aceru na capa de compresión
del forxáu. Procediéndose, entós, al arreglu del local pa
reiniciar el so usu de nuevu coles llimitaciones técniques que
procedan pa garantizar la seguridá.” - prosiguió'l conceyal.
Les acciones que se llevaron a cabu
frente a los defectos detectaos fueron les que siguen:
· Execución d'una capa de
compresión armada realizada con morteru allixeráu d'alta
resistencia y mallazo d'aceru. Esta solera dota al forxáu d'una capa
autu portante que nun xenera cargues adicionales na estructura, bien
al contrariu, allixera al empar qu'apurre una base pal allugamientu
del nuevu pavimentu.
· Colocación pavimentu,
instalándose un nuevu pavimentu de gres de porzolana recibíu con
cementu-cola sobro la solera executada.
· Remates de pintura, esto ye,
pintura de too el local.
· Llimpieza y
acondicionamientu.
Toes estes obres lleváronse a cabu con
medios propios pertenecientes al Serviciu d'Obres.
“Cola realización d'estes meyores
el Conceyu pretendió dexar el local arrendáu en perfectu estáu
d'usu pa finar sociu culturales que la edificación dexa siempre
teniendo en cuenta'l tipu d'edificación y estructura. El so usu, a
partir d'estos momentos, tal que señalen los informes técnicos
municipales tendrá de ser tipu residencial, con unes sobrecargues
non mayores de 200 – 300 kg/m2, evitando los impactos, los
movimientos sópitos, vibraciones etc. Nos próximos díes, dende'l
Conceyu, va convocase a les asociaciones que comparten la
instalación pa coordinar el réxime d'usos, corresponsabilidades na
xera de llimpieza, y va faése-yos entrega de llaves,… a partir
d'entós, yá se va retomar l'actividá atayada poles circunstancies
sobreveníes ” remató Onésimo Velasco-Conceyal d'Obres.
Albandi
