Concédese-yos, de manera escepcional, a los inmuebles que nun se conectaron entá un nuevu plazu de 1 mes pa executar les obres de conexón al saneamientu municipal.

El Conceyu de Carreño treslladó un requerimientu a les comunidaes de propietarios de la cai Carlos Albo en Candás que non fixeron la conexón a la rede de saneamientu esistentes. Estes viviendes tán riquíes dende'l branu de 2014, arriendes de los arramaos detectaos na sablera Palmera esi branu, y que traxeron la prohibición de bañu.

“Teniendo en cuenta que lleven más de cuatro años incumpliendo los requerimientos realizaos, el Conceyu ta obligáu a repitir la necesidá de regularizar la situación de la rede de saneamientu de la cai Carlos Albo. Amás, tanto la sentencia del Xulgáu Contenciosu Alministrativu de Xixón  de xunu de 2016 como la sentencia del Tribunal Cimeru de Xusticia de noviembre de 2016 declaren afecha a derechu la orde dictada pol Conceyu”, esplicó Cecilia Tascón, conceyala de mediu ambiente.

“Anque los vecinos que nun se conectaron alieguen que son obres que nun se pueden executar, tal que  recueye la sentencia del Xulgáu Contenciosu Alministrativu, la obra tien la mesma complexidá que pudiera tener la que realizaron pal inmueble sito nel nº 18. Inmueble de la mesma cai que yá cumplió lo ordenao nel branu de 2014 y ta conectáu a la rede”, señaló la conceyala de mediu ambiente.

“En xunetu de 2018 riquióse-yos nuevamente y qu'en casu d'incumplimientu valoraríase la obra a executar y empecipiaríase el procedimientu pa la imposición de multes coercitivas, hasta un máximu de 10, de reiteración mensual hasta que se produza'l cumplimientu de la orden. Emitíos los informes técnicos de valoración del costu de la obra, dictóse esti nuevu resolvimientu, na que de manera escepcional concédese-yos entá un nuevu plazu de 1 mes pa executar les obres y alviértese de que trescurríu esi mes impondránse multes de 1.800 nel casu d'una comunidá y de 2.400 nel casu del restu, en función de la obra a executar”, concluyó Cecilia Tascón.