Esti, 26 de Marzu de 2019, a les 12:30
hores, celébrase nel Conceyu de Gozón (Lluanco, Asturies) l'actu
d'entrega de los distintivos “Compromisu de Calidá Turística” a
13 establecimientos del destín Mancomunidá del Cabu Peñes
(conceyos de Carreño y Gozón). Trátase d'establecimientos
correspondientes a 7 oficios distintos, que fueron estremaos per
primer vegada nel añu 2008, y dende entós caltuvieron a valir el
sistema de calidá, anovando agora per cuarta vegada'l so distintivu
SICTED, por un nuevu períodu de dos años.
L'actu, presidíu pol Presidente de la
Mancomunidá del Cabu Peñes y Alcalde de Gozón, Jorge Suárez, tien tamién la participación de l'Alcaldesa de Carreño,
Amelia Fernández, Vicepresidenta de la mancomunidá y D. Julio
González Zapico, Director Xeneral de Comerciu y Turismu del
Principáu d'Asturies.
Los 13 establecimientos qu'anovaron el
so distintivu son los siguientes:
a) Agospiamientos rurales (5)
- CASA ROCES (Bañugues, Gozón)
- Casa de L'Aldea PRADINA I (Cardu,
Gozón)
- Casa de L'Aldea PRADINA II (Cardu,
Gozón)
- CASA JESUSA Agroturismo C.A.
(Llorgozana, Carreño)
- Vivienda Vacacional "MARÍA LA
CARBAYEDA" (Cardu, Gozón)
b) Hoteles y apartamentos turísticos
(2)
- Hotel EL CARMEN (Perlora, Carreño)
- Hotel PIEDRA (Perlora, Carreño)
c) Museos y centros d'interés
turísticu visitables (3)
- AULA DEL NEOLITICU (El Valle,
Carreño)
- CENTRU DE EXPOSICION PERMANENTE DE LA
INDUSTRIA CONSERVERA (Candás, Carreño)
- CENTRU D'INTERPRETACIÓN DEL MEDIU
MARÍN DE PEÑES (Viodo, Gozón)
d) Oficines d'Información turística
(1)
- OFICINA D'INFORMACIÓN TURÍSTICA DE
CARREÑO (Candás, Carreño)
e) Restoranes (1)
- Restorán TORRONTEGUI (Albandi,
Carreño)
f) Seguridá Ciudadana (1).
- POLICÍA LOCAL DE CARREÑO (Candás, Carreño)
Albandi
