La conceyala d'urbanismu del conceyu de Carreño, Cecilia Tascón, respondió esta mañana a les declaraciones de la conceyala del Partíu Popular y candidata a l'alcaldía Joana Canals. La conceyala socialista señaló que “dende l'añalidá siguiente a la sentencia, ye dicir dende l'añu 2015, los suelos a los qu'ésta se refier, suelos urbanizables sectorizados que nun tienen instrumento urbanísticu de desenvolvimientu, yá vienen pagaos como suelu rústicu”.

“Ye más, hai que recordar, qu'inclusive antes de la presentación de la moción a la que fai referencia, la xestión socialista énte'l Catastru dexó que los suelos non sectorizados incluyíos nel plan xeneral nunca pagaren como suelu urbanu. Estos suelos asitiaos en Candás, en zona de la urbanización del Llagarón, en Perán y en Perlora”, añedió la conceyala.

“Una vegada más el Partíu Popular llega tarde y en llugar de sumar los sos votos pa facilitar l'aprobación definitiva del testu refundíu del plan xeneral, sigue la escuela de Pablo Casado, utilizando la mentira y la desinformación como únicos argumentos políticos”, concluyó Cecilia Tascón.