Dende'l 22 d'abril hasta'l 3 de mayu, dambos inclusive, padres, madres o tutores llegales de los neños y les neñes menores de 3 años, o que'l so nacencia prever nel añu en cursu, van poder formalizar la presentación de la solicitú d'almisión correspondiente na Escuela d'Educación Infantil “La Marinera” de Candás.

El llugar de presentación de les solicitúes va ser nel Rexistru Xeneral del Conceyu de Carreño sito na cai Santaolaya 1-3, Candás. Siendo l'horariu de llunes, miércoles, xueves y vienres de 9:00 a 14:00 hores; martes de 9:00 a 18:30 hores.

Les solicitúes van atopase a disposición de la ciudadanía nes dependencies alministratives del Conceyu o na páxina web: www.ayto-carreno.es

La Escuela Infantil “La Marinera” de Candás empezó'l so funcionamientu nel cursu 2004/2005. El so trabayu respuende a un proyectu educativu, esto quier dicir, que non solamente atienden de les necesidaes básiques de los neños y de les neñes, sinón qu'eduquen.

Para'l cursu escolar 2019-2020 les places ufiertaes según les edaes del alumnáu van ser les siguientes:

• Aula allugada CP San Félix (2-3 años) 18 places n'horariu de 9:15 a 13:15 hores.

• Aula allugada CP Poeta Antón (2-3 años) 18 places n'horariu de 9:30 a 13:30 hores.

• Escuela Infantil 0-3 años:

• Aula Ñácaros (0-1 años) 8 places.

• Aula (1-2 años) 5 places.

• Aula (2-3 años) 5 places.

Nel casu de l'Aules allugaes na Escuela Infantil de 0-3 años, na Plaza Gremio de Mareantes, va haber dos modalidaes de xornada. Media xornada de 9:30 a 13:30 hores con opción a comedor o xornada completa, con un máximu de permanencia nel centru de 8 hores. Anque van tener preferencia aquelles persones que soliciten la xornada completa.

Caúna de les solicitúes presentaes van ser valoraes siguiendo trés criterios, situación llaboral de los padres o tutores; ingresos económicos de la unidá familiar; y composición familiar pola persona qu'ostenta la dirección del centru. La cual una vegada completara'l procesu d'almisión va informar al Conseyu Escolar de la Escuela.

“Pal nuevu cursu escolar 2019-2020 son 54 les places que s'ufierten. Coles mires de que les families del conceyu puedan compaxinar la so vida profesional cola so vida familiar. Amás de crear empléu públicu. El trabayu de el educadores implica una atención constante non yá a les necesidaes primaries de seguridá, hixene, alimentación, sinón tamién un trabayu diariu para consiguir el desenvolvimientu integral, psicomotriz, intelectual, afeutivu, social, de menores desenvolviendo toles sos potencialidaes, atendiendo a la so individualidá y emprestando atención a la detección temprana de dificultaes del aprendizaxe y desenvolvimientu n'educación infantil. Cuántu antes se realice esa detección, menor va ser la intervención que se va tener que realizar pa desaniciar los efectos negativos cuidao que evitamos qu'afecte a distintes árees del desenvolvimientu del menor. ” rellató Cecilia Tascón-Concejala d'Educación.

Los requisitos necesarios pa poder solicitar una plaza na “La Marinera” va ser morar nel conceyu de Carreño o que s'acredite tener nel conceyu'l so llugar de trabayu habitual. Nel casu de que quede dalguna plaza vacante, éstes ufiertaránse a los conceyos vecinos.

 

A partir de la presentación de les solicitúes d'almisión el calendariu que los padres y madres del futuru alumnáu van tener que tener en cuenta:

▪ Del 22 d'abril al 3 de mayu. Presentación desolicitudes d'almisión nel rexistru municipal.

▪ 13 de mayu. Publicación de les llista provisional d'almitíos y almitíes, nel tablón d'anuncios tantu del propiu Consistoriu como na see de la Escuela “La Marinera”.

▪ Del 13 al 17 de mayu. Plazu d'allegamientos énte la Dirección del centru. Estes presentaránse nel rexistru municipal.

▪ 20 de mayu. Publicación de la llista definitiva d'almitíos y almitíes, nel tablón d'anuncios tantu del propiu Consistoriu como na see de la Escuela “La Marinera”.

▪ 22 de mayu. Xunta xeneral informativa pa la matrícula coles families de nuevu ingresu nel Colexu d'Educación Infantil y Primaria “San Félix” de Candás a les 17:00 hores.

▪ Del 23 al 31 de mayu. Plazu de formalización de la matrícula na Escuela d'Educación Infantil “La Marinera”.

Pa más información consultar la páxina web municipal www.ayto-carreno.es o nos teléfonos 985-870 205 o 985-870 046, del Ayuntamientu de Carreño y de la Escuela Municipal de 0-3 años “La Marinera” respectivamente.