Los díes 28, 29 de xunu y 30 de Xunu'l parque de Les Conserveres de Candás va acoyer la decimoctava edición del Mercao Clariniano.
Les solicitúes para participar podrán presentase hasta'l Miércoles, 20 de Mayu énte'l rexistru municipal.
Un eventu que representa cada añu xuna escena xenuina del sieglu XIX, dómina na que l'insigne escritor D. Leopoldo Alas “Clarín” pasiaba poles cais de Candás, que sirvieron d'inspiración a delles de les sos obres.
Los puestos ufierten productos artesanales típicos y quien nos visiten van poder esfrutar de talleres en vivu de cerámica, pintura, teles, cueru, encaxe de boliyos, etc... Amás de los numberosos stands nos que puede comese o beber daqué, va haber una barra especialmente preparada pa comer productos típicos de la zona y la dómina a precios populares.
La cita nesti eventu comercial-turísticu ta empobinada principalmente a artesanos y artesanes, según vecinos y vecines del conceyu de Carreño, y/o entidaes culturales qu'ellaboren productos de manera artesanal o que desenvuelvan actividaes tradicionales dientro de los siguientes sectores:
· Oficios Tradicionales: Alfareru/a, madreñeru/a,.....
· Gastronomía
· Artesanía y xoyería.
· Pintura
· Sector pesqueru (redes, nases, maquetes de barcos...)
· Preseos de llabranza
· Enseres mesmu del sieglu XIX
· Otros.
Les infraestructures municipales que podrán solicitase pa realizar les vientes van ser 45 puestos artesanales y una barraca.
La tasa municipal que van tener qu'abonar va ser de 16 euros nel casu de los puestos móviles como'l de xeladería, ablanera o barquilleru, y 21 euros per puestu con stand de madera. El Conceyu nun va devolver les cuotes abonaes en conceutu de reserva de puestu si l'artesanu/a nun s'asitia nel mercao.
Faese cargu de la barraca va suponer una tasa municipal de 100 euros. Van Tener preferencia les solicitúes feches por asociaciones ensin ánimu d'arriquecimientu. La participación nel Mercao Clariniano rique amás la vestimienta apropiada del sieglu XIX o bien el traxe de candasina, el tradicional asturianu o de sardinera, per parte de les persones qu'atiendan la barra. Aconséyase caracterización acorde cola dómina del mercao.
Plazu pa presentar solicitúes:
Les solicitúes pa participar con puestos móviles, stands y/o barraca podrán presentase por rexistru nel Conceyu de Carreño, hasta'l próximu 20 de Mayu.
Nun se van almitir solicitúes presentaes fora del plazu establecíu na Comisión Informativa de Festexos y Turismu.
Albandi
