La comisión de pesca de ADICAP,
axuntada en Candás, propunxo a la Dirección Xeneral de Pesca
Marítima la concesión de trés ayudes sobre un total de cinco
solicitúes de proyectos que se presentaron a la convocatoria 2019
d'ayudes pa l'aplicación de les estratexes de desenvolvimientu local
participativu de los Grupos d'Acción Local de Pesca.
Les ayudes concedíes correspuenden a
la Confrería de Pescadores de Candás pa un proyectu de meyora
d'eficiencia enerxética consistente na instalación de luminaries
led y aerotermia con una ayuda de 4.523,70 €, a la Fundación del
Muséu Marítimu d'Asturies con una ayuda de 6.849,93 € pa
l'alquisición de señalización y equipamientu del espaciu
etnográficu de carpintería de ribera del Muséu y al Conceyu de
Carreño con una ayuda de 19.156,00 € pa la contratación del Plan
Director del Muséu de la Industria Conservera de Candás na antigua
fábrica Ortiz.
Les ayudes tán cofinanciaes pola
Xunión Europea nun 85% y el Principáu d'Asturies nun 15%. Prevese
que pa finales d'abril la Conseyería de Desenvolvimientu Rural y
Pesca tenga tramitáu'l Resolvimientu final cola concesión de les
ayudes.
Albandi
