El Vienres, 3 de Mayu, l'asociación rexonal “Muyeres con Tiempu Propiu” que preside la sierense María Camporro va celebrar en Carreño la XIII Xornada d'alcuentru añal de les socies de la entidá. Carreño cueye, d'esta miente, el testigu de Samartín del Rei Aurelio, que celebró l'últimu alcuentru autonómicu.
L'asociación “ Muyeres con Tiempu Propiu” tien presencia en dolce conceyos d'Asturies. El colectivu nació a raigañu del programa del mesmu nome, que foi pioneru y qu'impulsó munchos talleres y actividaes para les muyeres mayores de 50 años. L'asociación coyó'l relevu d'esti programa, y entama cursos de too tipu, principalmente culturales y rellacionaos cola actividá física y la salú, mientres tol añu. A lo llargo del añu entamen tou tipu d'actividaes nos dolce conceyos nos que ta enraigonada. Faen talleres culturales, de salú, d'igualdá... En Carreño l'asociación rexonal cuenta con una Vocalía que lidera una vecina d'El Pieloro, Mariví Alonso.
"El programa Tiempu Propiu n'Asturies foi, nel so momentu pioneru, y actividaes como les que vienen impulsando para les muyeres que yá concluyeron el mesmu siguen siendo necesariu. Reivindiquen la cultura y sobremanera, la igualdá. Estimóse a la Vocalía de Carreño l'esfuerzu que, añu tres d'añu, asumen para llevar a cabu los talleres que desenvuelven equí y a la directiva rexonal por confiar nel nuesu conceyu como destín y anfitrión d'esti alcuentru rexonal” – señaló Amelia Fernández, Alcaldesa de Carreño.
L'asociación “ Muyeres con Tiempu Propiu” tien presencia en dolce conceyos d'Asturies. El colectivu nació a raigañu del programa del mesmu nome, que foi pioneru y qu'impulsó munchos talleres y actividaes para les muyeres mayores de 50 años. L'asociación coyó'l relevu d'esti programa, y entama cursos de too tipu, principalmente culturales y rellacionaos cola actividá física y la salú, mientres tol añu. A lo llargo del añu entamen tou tipu d'actividaes nos dolce conceyos nos que ta enraigonada. Faen talleres culturales, de salú, d'igualdá... En Carreño l'asociación rexonal cuenta con una Vocalía que lidera una vecina d'El Pieloro, Mariví Alonso.
"El programa Tiempu Propiu n'Asturies foi, nel so momentu pioneru, y actividaes como les que vienen impulsando para les muyeres que yá concluyeron el mesmu siguen siendo necesariu. Reivindiquen la cultura y sobremanera, la igualdá. Estimóse a la Vocalía de Carreño l'esfuerzu que, añu tres d'añu, asumen para llevar a cabu los talleres que desenvuelven equí y a la directiva rexonal por confiar nel nuesu conceyu como destín y anfitrión d'esti alcuentru rexonal” – señaló Amelia Fernández, Alcaldesa de Carreño.
Ta previstu qu'a les 10,50 hores de dichu día empiecen a llegar los 6 autocares a Candás. A tal fin, la policía local de Carreño trabaya coordinadamente cola entidá para entamar la llegada, carga y descarga n'ares de facilitar la movilidá de les participantes.
A les 11 hores va realizar nel Teatru Prendes l'actu de recepción y bienvenida nel que van participar la Directora del Institutu Asturianu de la Muyer, la Presidenta de l'Asociación, l'Alcaldesa de Carreño y representantes del restu de conceyos que participen nel Alcuentru Rexonal. Nel intre del actu proxectaráse'l vídeu editáu pol consistoriu carreñense sobre los oficios tradicionales de la mar con motivu del Día Internacional de la Muyer.
De 12 a 14 hores van realizase visites simultánees va estremase'l grupu a la metá y rotarán poles visites. Trés autocares van dir primero a COGERSA de 12 a 13 hores. Van Participar nuna visita empuesta a les instalaciones pa conocer el procesu de xestión de les borrafes n'Asturies. Los otros trés van dir al Centru d'Iniciativa Rural en Tamón y van realizar xuna visita empuesta la Casa d'acoyida de la familia ferroviaria. Terminada ésta van dir a COGERSA ente que'l grupu que tuvo en COGERSA va pasar al centru de Tamón. Na aula didáctica sobro'l Ferrocarril de Carreño, Begoña González, arrendataria y xestora de les instalaciones municipales, recibirálos pa conocer les instalaciones y amosa-yos la fuerte buelga del ferrocarril na hestoria y territoriu carreñense. La Casa d'Acoyida de la familia ferroviaria cuenta con una Superficie útil de 102,09 m2 y ye una aula didáctica, sobre la hestoria del ferrocarril en Carreño y la sociedá ferroviaria. Rexéntase, nel marcu d'una concesión municipal por una entamadora carreñense. Dende él, y en collaboración municipal, impúlsense dacuando actividaes venceyaes a la Puesta en Valor del PHCF (Patrimoniu Históricu y Cultural Ferroviariu ) acomuñaos al Programa de la Fundación Estatal en pro de la preservación del patrimoniu histórico y cultural del ferrocarril. La Casa d'Acoyida de la familia ferroviaria y el Chigre amiestu tán xuntaos al Sistema de centros acomuñaos al programa estatal de puesta en valor del Patrimoniu Históricu cultural ferroviariu. Estos dos equipamientos municipales intégrense dientro d'un complexu públicu más ampliu'l Centru d'Iniciativa Rural de Tamón (CIR de Tamón), qu'inclúi los locales de les antigües escueles (güei en desusu como centru escolar) y un edificiu amiesto construyíu con fondos europeos.
Dende'l consistoriu local contactóse con obradores de marañueles y artesanos/es locales en visu a valorar afitar una zona d'esposición y mercáu de productos mientres l'alcuentru.
A les 14,30 hores toes les participantes van rexuntar nun establecimientu hosteleru de Perlora. Nel que van poder visitar, previu a la comida de confraternización, la esposición “Un pasu atrás pa coyer impulsu” del Institutu Asturianu de la Muyer.
Tres la comida, van tener de 17 a 19 hores actividaes socioculturales, ente les que destaca l'actuación teatral del grupu amateur local “Les Ayalgues de Carreño”. Dichu grupu, so la dirección de Gemma de Luis van representar dellos monólogos y escenes risibles del so espectáculu "Muyeres a rodapiellu" col denominador común d'interpretar personaxes esbarriaos en situaciones entá más esbarriaes y llograr asina la diversión de toles asistentes. Van Participar en total 15 actrices y la representación teatral va tener una duración averada de 25 minutos.
A les 19 hores van partir de Carreño a los sos llares les 250 participantes.
Albandi
