Son yá 40 años d'andadura de les corporaciones municipales democrátiques dejando atrás la dictadura franquista. Esti 3 d'Abril cumpliéronse esos cuatro decenios de profundización democrática local tres les elecciones municipales celebraes nesta fecha de 1979, les primeres dempués de l'aprobación pola ciudadanía española de la Constitución, faciendo llegar la democracia al nivel más próximu al pueblo que nun ye otru qu'el de los Conceyos de toa España.

Con esti motivu, la Xunta de Gobiernu de la Federación Española de Conceyos y Provincies aprobó na so xunta del pasáu 26 de marzu la Declaración Institucional que puede consultase nel enllaz. La FEMP na so declaración remembra aquel 3 d'abril, recordando que fueron casi 8.000 Alcaldes y 104 Alcaldeses que surdieron d'una convocatoria que, en 1979, cayó en martes.

Ver declaración de la FEMP >>

Agora,cuarenta años dempués, conscientes de que “Lo meyor ta por venir”, la FEMP recueye na declaración-propuesta con referencies a estes cuatro décades de meyora y afitamientu de la democracia local y señala los nuevos retos, aquéllos que vienen amestaos a la sostenibilidá del planeta y que queden recoyíos en 17 oxetivos, los de Desenvolvimientu Sostenible, y na Axenda 2030; oxetivos colos que la Federación ta comprometida porque, tamién nesti retu, pueblos y ciudaes tienen un papel especialmente relevante que xugar.